Video
Read full review
2024-11-02
3747 views
男朋友知我好鍾意食壽喜燒，佢話朋友推薦呢間，價錢合理之餘都幾高質，於是乎就帶咗我去食。啲肉嘅份量都唔少，所以一定會覺得飽，不過眼見晏晝就更加抵食，下次會考慮幫襯午市。‣ 特選·薩摩牛壽喜燒＆特上·薩摩牛壽喜燒 $398＆$498· 4%奇蹟A5薩摩牛肉眼切片肉眼會有職員幫你燒，包保絕對唔會失手。一開始用牛油燒鑊已經好香，撈埋蘭王蛋一齊食嘅時候，啲油香同埋肉香真係爆晒出嚟，叫做奇蹟真係唔誇張。· 赤身A5薩摩牛切片赤身雖然相比霜降油脂相對上冇咁多，但係味道都相當之出色，要夾硬比較嘅話相對上口感比較紮實啲，但係肉汁都相當豐富，帶嚟嘅牛肉口感相對上比較清爽。順帶一提，職員幫手擺嘅盤真係好靚，忍唔住拎嚟做封面。· 霜降A5薩摩牛切片餐廳最後會留返霜降俾你自己煮嚟食，每一啖食嘅時候都覺得好舒服，口感相當細膩滑溜，比起其他牛肉都更加柔軟，真係入口即化。· 前菜前菜相當之精緻，我自己幾鍾意八爪魚，略微辛口，所以相當開胃。而我覺得最吸引嘅都係和牛焦糖蘋果芝士，食到蘋果嘅甜，然後就係芝士嘅奶香，最後留低嘅就係牛肉肉香，相當之有層次。· 野菜盛盒＆蘭王蛋及無菌蛋＆米飯全部都係當季嘅蔬菜，每一樣都係壽喜燒會
‣ 特選·薩摩牛壽喜燒＆特上·薩摩牛壽喜燒 $398＆$498
· 4%奇蹟A5薩摩牛肉眼切片
肉眼會有職員幫你燒，包保絕對唔會失手。一開始用牛油燒鑊已經好香，撈埋蘭王蛋一齊食嘅時候，啲油香同埋肉香真係爆晒出嚟，叫做奇蹟真係唔誇張。
· 赤身A5薩摩牛切片
赤身雖然相比霜降油脂相對上冇咁多，但係味道都相當之出色，要夾硬比較嘅話相對上口感比較紮實啲，但係肉汁都相當豐富，帶嚟嘅牛肉口感相對上比較清爽。順帶一提，職員幫手擺嘅盤真係好靚，忍唔住拎嚟做封面。
· 霜降A5薩摩牛切片
餐廳最後會留返霜降俾你自己煮嚟食，每一啖食嘅時候都覺得好舒服，口感相當細膩滑溜，比起其他牛肉都更加柔軟，真係入口即化。
· 前菜
前菜相當之精緻，我自己幾鍾意八爪魚，略微辛口，所以相當開胃。而我覺得最吸引嘅都係和牛焦糖蘋果芝士，食到蘋果嘅甜，然後就係芝士嘅奶香，最後留低嘅就係牛肉肉香，相當之有層次。
· 野菜盛盒＆蘭王蛋及無菌蛋＆米飯
全部都係當季嘅蔬菜，每一樣都係壽喜燒會用到嘅常客，而我自己都幾鍾意中間嘅獅子狗。佢哋嘅獅子狗中間係有芝士嘅，第一次食唔覺意咬爆咗焫親個口，所以千祈唔好好似我咁傻豬。
· 甜品
柚子雪葩作為呢一餐飯嘅收尾簡直完美，柚子嘅酸甜可以幫手解膩用，而且口感都比較光滑，唔會好重冰感，清理口腔嘅好幫手。
‣ 夕焼け $48
佢哋啲嘢飲名都改得幾有感覺，呢杯就係晚霞。我最鍾意嗰樣嘢就係佢嘅茶味好濃郁，飲到果香之餘又唔會太甜，而且主打都係酸酸甜甜嘅生果，所以一樣食緊肉嘅時候飲一流。
‣ 星紫流砂 $48
呢個一聽個名就聯想到星空，第一啖已經覺得乳酸味好濃，而佢個樣都相當之靚。整體嘅酸味都好平衡，所以搭配乳酸嘅口感就真係相得益彰，影完相就好撈勻嚟飲啦。
Post
