烏蠅館 (Moved) New Location

亞士厘道而家冇以前咁熱鬧，行到盡頭見到呢間烤魚店，上網睇都幾受歡迎，決定試下！平日夜晚來都真係幾好生意，全場坐滿！鋪頭除左烤魚，仲有一碗碗嘅米線、薯粉同撈麵等等，冒菜選擇真係多！好似車仔麵咁，連湯底都有4、5款選擇。 ➡️ 麻辣烤三刀魚 ($288) ⭐️⭐️⭐️⭐️ 經店員介紹，決定叫麻辣口味，佢話麻味重d幾香口咁話喎！當日贈送三個是日素菜，有雲耳、蘿蔔同萵筍。我地另外加料加左寬粉 ($28)、唐生菜 ($32)同脆魚皮 ($38)。烤魚上枱時麻辣味好香，店員提示我地焗5分鐘先開蓋，麻辣味先會出味d！所有配菜加埋一齊食，又飽又惹味。條三刀魚都算幾大條，多肉又冇咩骨，而且好嫩滑，沾埋d麻辣湯汁，食完都唔係好夠喉😝 .............................. 烏蠅館 地址📍: 尖沙咀亞士厘道38號天星大廈1樓B舖 總評分: 8.25/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️💫 抵食💰: ⭐️⭐️⭐️⭐️