Video
Read full review
2018-06-22
799 views
今日同個fd去尖沙咀食西餐，7點半去到去已經有8成坐滿，估唔到樓上鋪都咁多人幫襯。好彩訂左位，因為之後8點幾，已經全場滿座。我同fd無叫到晚市套餐同2人套餐。散叫左1個主菜，1個沙律，同2杯野飲。首先上左餐前麵包:牛角包+餐包+黑色餅乾，除左牛油之外，仲有杏脯果醬。食完呢3樣野其實已經半飽。好彩只係叫左1個主菜+沙律…凱撒沙律+煙三文魚煙三文魚唔係超薄切果款，望落顏色都好靚。朋友係三文魚控，所以比曬佢食，見到佢個滿足樣，味道應該唔錯。沙律上面仲有啲風乾左既Parma Ham。又咸又脆，同沙律菜好夾。野飲方面，叫左熱伯爵紅茶同埋焦糖咖啡沙冰。試左一啖朋友咖啡沙冰，好濃咖啡味加焦糖，唔會太甜又唔會苦，好味。至於伯爵紅茶就係正常茶包茶味。主菜:燒大啡菇焗釀蟹肉意大利飯擺盤好似幅畫咁靚。第1啖食飯，覺得淡左少少。之後再食埋菇覺得咸左少少，所以2樣一齊食，個味就岩岩好，而且個意大利飯做到我鍾意既果啲未熟到軟腍腍既口感。我最滿意既係，呢度會慢慢上菜，又會經常主動加水，完全無到趕番枱既感覺。呢餐我同朋友差不多食左3個鐘。食完飯可以傾下計既感覺好好，始終無用餐時間既餐廳最好。走果時見到有2間廂房，目測
我同fd無叫到晚市套餐同2人套餐。散叫左1個主菜，1個沙律，同2杯野飲。
首先上左餐前麵包:
牛角包+餐包+黑色餅乾，除左牛油之外，仲有杏脯果醬。食完呢3樣野其實已經半飽。好彩只係叫左1個主菜+沙律…
凱撒沙律+煙三文魚
煙三文魚唔係超薄切果款，望落顏色都好靚。朋友係三文魚控，所以比曬佢食，見到佢個滿足樣，味道應該唔錯。沙律上面仲有啲風乾左既Parma Ham。又咸又脆，同沙律菜好夾。
野飲方面，叫左熱伯爵紅茶同埋焦糖咖啡沙冰。試左一啖朋友咖啡沙冰，好濃咖啡味加焦糖，唔會太甜又唔會苦，好味。至於伯爵紅茶就係正常茶包茶味。
主菜:燒大啡菇焗釀蟹肉意大利飯
擺盤好似幅畫咁靚。第1啖食飯，覺得淡左少少。之後再食埋菇覺得咸左少少，所以2樣一齊食，個味就岩岩好，而且個意大利飯做到我鍾意既果啲未熟到軟腍腍既口感。
我最滿意既係，呢度會慢慢上菜，又會經常主動加水，完全無到趕番枱既感覺。呢餐我同朋友差不多食左3個鐘。食完飯可以傾下計既感覺好好，始終無用餐時間既餐廳最好。
走果時見到有2間廂房，目測可以坐到8-10個人，最好係可以閂埋門，有私人空間又唔怕嘈親人。下次可以搵埋班fd一齊黎坐廂房。
Post
