潮尚居

Open Now

Now Closed

同太太及友人响尖沙咀行完街搵嘢食醫肚，行至漢口道被燈箱廣告「潮州食府天花板」吸引，走上咗去呢間叫「潮尚居」潮州食店。入到去環境都幾清雅，被安排了近窗口位置坐，由於有間隔屏封，都幾有私人空間，十分適合傾偈。我哋三個人點咗鹵水鵝、燕窩石榴雞、煎蠔餅、方魚炒芥蘭及糖醋麵。估唔到有碟鹹雞送，份量都唔細。石榴雞裡面有燕窩，味道口感都好夾好好味！蠔餅都夠厚身同埋幾香口，鹵水鵝片同埋炒芥蘭都ok！最後個糖醋麵份量都幾足，差啲食唔晒！總括嚟講呢間潮州食店啲嘢食同埋環境都真係唔錯，收費合理，下次到尖沙咀都會再試吓其他菜式。