潮尚居

Open Now

Now Closed

最近得知尖沙咀太子集團中心開設了一間新式的潮州菜。今日一於和朋友於午膳前往進食Brunch。 由於我們較早前往，人流不算多，但當放LUNCH 期間，餐廳幾乎滿座，好彩我們早到。餐廳位於太子集團中心，交通十分方便。餐廳環境裝修舒適，高尚華麗。職員服務態度良好，不時為我們介紹菜式和加水。餐廳座位闊落，適合和公司朋友前往，或慶祝家人生日。菜式款式有不同種類的潮州菜。我們這一次叫了他們的商務套餐。在上菜之前他們會呈上功夫茶讓我們飲用。茶底非常濃郁，帶點甘甜香氣，非常好飲。讓我急不及待期待他們的菜式。首先他們為我們呈上，兩道湯品。非常有驚喜。1.胡椒豬肚湯朋友十分喜愛胡椒豬肚湯，這一道胡椒豬肚湯非常濃郁，清甜且熱辣辣。職員仍然會呈上胡椒粉，讓你自行添加，但不用添加味道都已經非常十足。豬肚清洗得非常乾淨，且爽口。2.鹹檸檬燉鴨湯我特別喜愛他們的燉鴨湯，非常清甜，且不油膩。當中帶點鹹檸檬的甘香甘甜味，整個配搭非常良好，且濃郁。3.豉油皇南澳吊片這一道吊片與平時吃的魷魚是不同的，他們的南澳吊片非常新鮮，且鹹香味十足。食落不像平日的爽口，但是咸香味非常十足，且非常有口感且惹味。4.鮮蝦水瓜烙第一次吃這一

作為一個潮州人🙂‍↕️搵一間潮州菜食中秋飯做節係基本嚟～ 揀咗喺尖沙咀新開嘅「潮尚居」，新裝修睇啲古典嘅感覺，然後佢哋有啲位置分隔得幾好，私隱度感覺幾高～ 坐低無耐就有功夫茶同前菜醒一醒胃，有開胃嘅鹹酸菜同烤麩～ 是日Jac 選▪️胡椒豬肚湯▫️普寧炸豆腐▪️滷水鵝拼盤▫️紅燒魚鰾煲▪️反沙芋頭豬肚湯嘅湯底濃郁重胡椒香，豬肚彈牙。炸豆腐即炸熱辣辣～ 外脆內嫩，豆腐香滑，就咁食就食到豆香～ 配香蔥醬都惹味鵝拼盤除咗有鵝片之外，仲有五花腩、腎、滷蛋～ 全部都滷得入味，佢哋嘅滷水汁香甜，帶微微嘅藥材香～ 魚鰾煲呢啲手工菜，當然係出去食，魚鰾爽口彈牙吸晒汁，配料仲有蝦仁，用嚟送飯一流食得潮州菜，甜品梗係要食返個反沙芋啦，包滿砂糖嘅芋頭食落香甜，然後配埋功夫茶做個結尾，又唔會太膩，啱啱好結論係下次可以再嚟試吓其他菜式，潮州爸爸表示滿意

餐廳交通方便，而且要環境幽靜之餘仲睇到街景，同朋友食飯聚會又多個選擇🧈普寧炸豆腐普寧炸豆腐外脆內嫩，豆香十足，簡簡單單點鹽水食已經夠🐟薑蔥魚鰾煲魚鰾爽口彈牙，吸晒薑蔥嘅鮮甜味，醬汁夠惹味，送飯一流🦢滷水鵝拼盤滷水鵝拼盤好豐富，樣樣都滷得夠入味。鵝肉夠淋，滷蛋夠入味，豆腐又滑又嫩，腩肉滷過之後完全唔覺得肥膩🥣胡椒豬肚湯好足料、胡椒味好香，豬肚夠淋，夠哂惹味🥔反沙芋頭經典既潮州甜品，反沙芋頭外脆內軟，芋頭口感好綿密，外層既，入口甜甜地，口感好豐富

晚上放工去咗尖沙咀「潮尚居」品嚐潮州菜晚餐，店內裝修典雅，滿有中式韻味，環境舒適，適合商務用餐或私人聚會芥菜排骨煲以新鮮排骨、芥菜及香菇煮成的煲，湯頭清甜味美，芥菜吸收咗豬肉鮮味；排骨半肥瘦，啖啖肉香碧綠川椒雞伴碟有炸得輕盈薄脆的珍珠葉～雞肉大大件，口感嫩滑，味道香濃，帶微微的川椒香氣椒鹽九肚魚合共有八件九肚魚，每件都炸得金黃色，外脆內軟，保留咗魚肉的軟嫩口感及甜美，沾上喼汁及椒鹽一齊食，更能提鮮，好好食豉油皇南澳吊片南澳吊片好新鮮，口感彈牙，用豉油皇爆香，鹹香味美清心綠豆爽傳統潮汕特色甜品，口感豐富，有粒粒去皮綠豆及煙靭彈牙的清心丸。清甜又消暑，清熱解毒

#尖沙咀地膽 今次我哋嚟到潮尚居，地點位於北京道；餐牌主打正宗傳統的潮洲美食，由資深潮藉廚師團隊烹調各種潮州美食。樓上店坐位濶落舒適，店員有禮！推介！🍵 胡椒豬肚湯：燉湯味道鮮美，湯底清甜， 胡椒味帶點香辣，十分暖胃！🍋鹹檸檬燉鴨湯： 湯底酸酸甜甜，鹹檸檬嘅香氣令鴨肉更加鮮香，暖心又滋補！🦐 手工蝦蟹棗($168) ：手工餡料豐富，蝦肉扎實鮮嫩，蟹肉鮮甜，外皮炸得金黃，內裡爆汁，超好吃！🥩沙茶牛脊肉($198) ： 上枱滿滿沙茶牛脊肉～ 沙茶醬香氣濃郁，牛肉質地軟嫩，肉味十足，配上米飯正好！🐟魚湯浸黃花魚 ($148) ： 魚肉滑嫩，湯底清甜，魚味濃郁又不腥，係夏天嘅清新選擇！🥬 方魚炒芥蘭 ： 芥蘭色澤鮮艷，口感脆爽，方魚嘅鮮味令整道菜更加滋味，健康又好吃！🍧清心丸綠豆爽：甜度適中，綠豆爽滑，清心消暑，完美嘅結尾！🍵潮尚居📍尖沙咀北京道12A號太子集團中心8樓

今日朋友帶我去食潮州菜，餐廳位於尖沙咀，環境優雅舒適，好開心可以坐到窗口位。鮮蝦水瓜烙；傳統潮州菜之一既水瓜烙，有水瓜、蝦、蔥等，煎到外脆內軟，食落帶點煙韌，水瓜爽口令口感更富層次。方魚炒芥蘭：方魚味道濃郁同清爽既芥蘭好夾；芥蘭食落清甜爽口，無苦澀味。潮陽梅羔骨：呢道係潮地道特色美之一，賣相精緻吸引，外層鬆脆，入面既肉汁保持到，最正既係梅羔醬汁，好醒胃。豉汁梅子荷包白鱔：用酸菜葉包住白鱔，梅子汁酸甜味令食欲大開，白鱔从質鮮嫩可口，肥而不膩。蠔仔肉碎粥：熱辣辣上枱，蠔仔新鮮肥美，而且份量足，粥底食落好鮮甜。清心豆爽：食落清甜滋潤，解暑一流，唔會太甜，唔錯。整體食物質素高，所有食物上枱熱辣辣，大部分菜即叫即整，就連茶壺都有蠟燭熱住，好貼心。🔎潮尚居 (尖沙咀)📍尖沙咀北京道12A號太子集團中心8樓

潮尚居新開咗2個月左右，主打潮州菜系。餐廳裝修精緻舒適，交通便捷，係宴客，聚會嘅好選擇🥰🥰🥰😆😆😀😀🪿鹵水鵝拼盤🪿$198有鹵水鵝，鵝腎，五花肉，豆腐等等。靈魂鹵水汁夠晒香，各款食材鹵得好入味，食到唔同香料嘅配搭，份量十足，兩至三人一齊食一碟都好夠🦑豉油王南澳吊片🦑$198吊片鮮味濃郁，豉油王醬汁令吊片變得更為惹味，比平時嘅魷魚更有咬口，鹹鮮滋味，下酒一流🐟椒鹽九肚魚🐟$148九肚魚已經全部起骨，外層炸得酥脆，魚肉滑嫩，近乎入口即化，火喉控制準確，沾上淮鹽後十分惹味🥬春菜排骨煲🥬$158春菜好腍甜，新鮮嘅半肥瘦排骨肉香味足，軟滑鮮甜，嚟食潮州菜，梗係要叫返個特色春菜煲啦🍲胡椒豬肚湯🍲$88胡椒豬肚湯湯底鮮甜，豬肚嫩滑爽彈，處理得好乾淨，胡椒湯帶香辛後勁，飲完個人即刻暖晒🍠煎芋頭灌章🍠 $58呢個係手工點心，芋頭切成絲狀，包裹後再油煎，芋頭味香濃，食落有空氣感，唔會覺得油膩🍮欖菜炒蘿蔔糕🍮$68蘿蔔糕嘅蘿蔔味好足，落足料去製作。欖菜香口，為蘿蔔糕提香提鮮，唔會搶到蘿蔔糕嘅鹹香，同時增添口感，配搭得幾好🍹清心豆爽🍹$32特色潮州甜品，香而不膩，十分清爽潮尚居尖沙咀北京道12A號太子集團中心

跟客戶簽妥合同，正好一同午膳！在潮尚居訂枱，來商務午餐，正好！潮尚居環境高雅，座位寬敞舒適，交通方便；服務周到，食物味道細緻，招呼客人，最合不過！點了商務午餐 - 主菜四款 $888，意頭甚好的價位 😂😂😂潮州酒家，必定有的功夫茶，餐前先來一口，放鬆一下！胡椒豬肚湯，胡椒味道濃郁，配合鮮甜的豬肚湯，大愛的潮州湯水！豬肚煮得夠火喉，軟諗好食！潮陽梅羔骨，來自酸梅的酸味，零舍不同！肉排骨肉均勻，連伴碟的紫蘇葉都香脆可口 潮州鹹雞皮薄無肥油，還有雞啫喱，令人感動！肉質彈牙，鹹度剛剛，好食 😋香煎蠔仔烙，蠔仔肥大肉厚，蛋餅香口微脆，灑點魚露，完美！方魚炒芥蘭芥蘭翠綠，幼嫩爽口；方魚香口，粒粒方正，制作認真 👍甚為滿意的一餐！🥰🥰🥰

想打個靚冷，都可以去樓上商廈嘅茶樓尖沙咀有一間高空潮州茶樓，環境雅致，居高臨下打冷，感覺同街邊打好唔一樣首先就開壺靚茶，壽眉感覺好啱夜晚飲，寧神又舒胃小食有醃菜同烤麩，仲有啲肉，酸酸甜甜，仲幾惹味，都好開胃同場仲會喺餐前餐後奉上功夫茶，極之有澀香，係食潮州菜先會飲到普寧豆腐第一次聽，係潮州特有嘅豆腐，味道簡單，但就好有豆香，炸起嚟好脆好有空氣感，點蔥醬食更係畫龍點睛，配炸冷菜食都好夾胡椒豬肚湯有一盅盅咁嗌，一人一盅唔使爭，呢盅湯雖然有胡椒香，但唔會刺激，非常溫和豬肚煲得又綿又彈，肉香縈迴湯中潮州嘅馬友通常都成條起，就咁食會幾嚡，但呢碟凍馬友，似係潮歐fusion，肉質奇嫩無比，上面嘅醬汁更係神來之筆打冷一定要食滷水鵝，呢間係用獅頭鵝，都唔常見㗎鵝肉果然比一般嘅更嫩更順，非常吸汁，就連豆腐都勁滑溜呢碟糖醋麵，話金黃又真係煎到金黃色勁靚仔，米粉煎成嘅薄餅點糖點醋食都係一級棒，我唔是潮州人，但都愛上呢味菜

同媽媽係尖沙咀行完街，帶佢去左一間新開的潮州菜餐廳。餐廳環境寬敞舒適，裝潢幾清雅，窗口位置更有屏封，空間感和私隱度十足，更有大圓枱好適合一大班人黎聚餐。先奉上功夫茶清一清味蕾，茶味濃郁，帶點甘醇。胡椒豬肚湯胡椒味唔算好濃，豬肚清洗得好乾淨，口感爽彈不會太軟！酸菜不酸不鹹，仲吸收了湯的精華，味道清甜又好味。鹹檸檬燉鴨湯一個源於潮州的傳統中式湯水，湯頭清澈，飲落順喉，鹹檸檬鴨湯有醒胃解暑的功效，夏天的天氣炎熱飲就最啱普寧豆醬蒸烏頭魚多數食凍烏頭魚，第一次食普寧豆醬蒸，魚肉嫩滑，骨唔多無腥味，普寧豆醬可以帶出魚肉嘅鮮味荔茸香酥鴨將蒸熟壓成蓉的荔浦芋配以去骨鴨肉，炮製成外層脆口酥香，內裏肉質幼嫩的荔蓉香酥鴨，香口又飽肚。家鄉小炒皇小炒王炒得非常香口，配料多而且豐富，有韮菜、蝦乾和鮮蝦仁，一啖放入口，多重口感，非常惹味方魚炒芥蘭脆綠芥蘭，口感爽脆鮮甜，用方魚炒充滿咸香又惹味。清心丸綠豆爽最後來一個潮州特色甜品，清心丸口感爽口彈牙，綠豆爽清甜解膩，甜度剛好，為晚餐劃上完美句號

早前首訪位於尖沙咀北京道12A號太子集團中心。的一潮州菜館新店 - 潮尚居（isquare 側），地方雅緻、交通方便、菜品有水平、價錢適中、服務優性。當中最喜愛荔茸香酥鴨$168及鮮蝦水瓜烙$138，不油不膩。另外，凍烏頭$218，不是太大條，叫多碟也無壓力！沙茶牛脊肉$198，沙茶味濃，可以配飯會更佳。鵝片$158、蠔仔肉碎粥$168也是水準之作。午市尚有商務套餐，是次未及品嚐。與友人及家庭聚會也是一個不錯的選擇，因為真係方便企理，品質又有一定水準！😆😋🌟

今晚約左朋友TST 食飯，但一直諗唔到食咩，但係經過北京道太子鐘錶見到個燈箱, 竟然寫自己係潮州食府天花板！? 我心諗，係咪咗勁呀？係好奇心驅使下，上去試一試！首先嚟咗個滷水鵝片鵝片份量多，鵝肉味很香濃，滷水豆腐係底，確實係幾好味！炸蝦蟹棗炸蝦棗蟹棗炸得唔不油膩，蝦肉蟹都好好味！鮮蝦水瓜烙估唔到煎得煙韌又有啲爽口，味道口感唔錯！最後叫咗個蠔仔肉碎粥  我無諗到佢啲蠔仔係咁鮮甜，粥水又唔會咸！整體嚟講，食物質素唔錯，服務態度都幾好，環境格局人小小3-4位朋友，有個小間隔屏風，吹水一流! 

好耐冇食潮州生醃超級掛住，公司附近開左間新嘢就諗住收工過黎試下～成間鋪唔算太大，但係環境裝修得幾舒服幾好👍睇落好高級嘅餐廳🍴都適合同人去傾公事或者靜靜地傾計。另外食物都出乎意料好味，d餸種類繁多，滷水鵝非常入味，鵝肉肉質淋滑口感唔錯。炒四季豆份量夠味道足配飯啱啱好生醃好入味，鮮味肥美多汁，食到停唔到口推薦大家黎試下，walk in都唔洗點等位

Happy Friday同同事去咗附近新開嘅潮州菜試咗個商務午餐，有湯，揀幾個主菜，仲有糖水，非常豐富我哋飲咗胡椒豬肚湯，胡椒味恰到好處，有住家湯嘅味道手工炸蝦蟹棗真係大讚，香脆鮮美椒鹽九肚魚都香口小炒皇足料好食🦐🦐排骨春菜煲亦都不錯👍🏼糖水係清心綠豆爽，好清甜，咁熱嘅天氣，飲完有消暑感覺餐後仲歎咗杯功夫茶餐廳職員服務很好，親切有禮貌，整體食物有質素，味道濃淡適中見到仲有好多款菜式都好吸引要同朋友再去試下其他菜式

行街行到攰攰地,搵餐廳食lunch,經過見到派傳單有新開潮州菜，膽粗粗試吓啦餐廳環境舒服寬敞，窗口位置仲有屏風分隔，私隱度高，適合見客或一班朋友集會👍👍我兩個人叫咗商務午市套餐，主菜種類選擇多，叫左鮮蝦水瓜烙同手工炸蝦蟹棗，蝦蟹棗炸得金黃酥脆，內餡肉嫩，保留蝦蟹既鮮味至於鮮蝦水瓜烙好有驚喜粉漿比例剛好，口感煙靭之外又保留水瓜同蝦既鮮甜味道，再點魚露伴食，味道剛剛好，正👍套餐主菜之外，有湯同飯，仲有糖水送，份量同款式多，下次叫多d朋友黎可以試多d菜式