兆鳥 (Closed)

香港嘅日式串燒店林林總總，今次我就到訪尖沙咀嘅鳥串燒專門店「兆鳥」。食材多用上日本產，盡可能還原返日本嘅風味，另外仲設有稀有部位限量供應。食串燒飲番杯sake都係基本操作，一次過試咗兩款清酒「釀人九平次雄町純米大吟釀」和「伯樂星純米大吟釀」。兩款都提供水果香氣，清爽又微甜，同串燒一齊食都可以中和油膩感。提燈平時出面食嘅多數只有一個雞蛋黃，今次一次過四個一齊食。口感比坊間嘅更加多汁，完全唔會有腥味。柚子味噌漬豆腐使用咗赤麵豉，芝士和鵝肝嘅味道，帶少少辣味。鹿兒島赤雞選用雞胸和雞腿部位，再加上輕微炙燒。使用簡單香蔥和芥末調味就可以食得。手羽一夜干風乾咗一晚，所以雞翼會比較多肉汁同埋香脆。煙燻雞肉丸木箱緩緩打開可以聞到煙紅木嘅味道，食嘅時候可以配搭生蛋漿一齊食，加添幼滑嘅感覺。銀杏呢個季節你會係好特別嘅綠色，有苦後甘甜嘅味道。雪糕全部自家製，山椒柚子和香豆玉米兩款口味口感幼滑冰凍，微甜就啱哂。