酒鍋 (天文臺道) (Closed)

放咗工一班同事嚟到天文臺道呢間火鍋餐廳打邊爐，餐廳係商業大廈入邊。好鍾意佢有個小露台，可以食吓嘢，跟住就出去小露台度同同事chill 下。我哋叫咗個全場最有最特色嘅火鍋湯底＂酒火入鍋＂，佢係一個五格獨特木瓜鍋：配蕃茄波士頓龍蝦火鍋，清湯蘿蔔牛腩，四川麻辣鍋，潮州沙嗲鍋，而且所有湯底嘅配料都十足，原汁原味，完全唔係Hea你之作！💠白鱔片超級爽脆鮮甜嘅白鱔片，白鱔片放落去火鍋到淥一陣就得㗎喇，淥得太耐的話肉質會太柴！不用清湯蘿蔔牛腩湯底淥係最好食嘅！可以食到白鱔片最大嘅鮮甜味！💠黑椒牛筋丸好彈牙爽口嘅黑椒牛筋丸，牛筋丸比較有彈性咬落去好有口感，肉丸充滿肉汁，食落去非常Juicy，而且辣辣哋非常惹味！💠走地雞脾肉不過佢係走地雞肉，雞肉都零舍有口感，雞肉都鮮甜過人㗎。而且雞髀肉本身會比其他部位更滑，用嚟打邊爐超正！💠掛架頂級安格斯牛小排本身自己好鍾意食安格斯牛小排，牛肉同火鍋係絕配，佢四川麻辣鍋夠晒惹味！