Video
Read full review
2023-04-16
251 views
今次介紹嘅係嚟自日本嘅過江龍「中目黑居酒屋」。好多去過日本東京嘅朋友可能已經試過佢地位於黑目嘅日本店。餐廳主打日本爐端燒，而食材更加每日由豐洲市場直送，保証相當新鮮。嚟到建議預先預約坐榻榻米卡坐，木製嘅隔板加上暖和嘅燈花，成個人都好放鬆。蒜香八爪魚帶子沙律用左新鮮日本直送八爪魚和帶子，兩款都非常爽口又鮮甜，蒜香味十足。炙燒風味刺身他他是日刺身用左多款魚肉（三文魚、吞拿魚和油甘魚）製成嘅他他。店員會即場用火槍炙燒，刺身又加入左麵豉醬，外層有焦香，內層又因為麵豉醬更加帶出鮮甜味。厚切櫻花木煙燻煙肉！推薦！紅色嘅煙燻煙肉，口感充滿嚼勁。經過櫻花木煙燻，會令到煙肉產生更獨特嘅香氣。送酒一流！白汁烤焗海膽三文魚籽通粉依款創新地用左日本海鮮配搭通粉，面頭放左新鮮海膽、三文魚籽和芝士，切開有長長嘅芝士拉絲，味道鮮甜之餘又同白汁好夾。滿足壽司-特盛豪快海膽吞拿魚卷聽個名滿足，就知道一定好豐富。用左多款海鮮：海膽、吞拿魚、三文魚籽和蟹肉放滿壽司上面，多種海鮮嘅鮮味一次過爆發，真係好滿足。萬願寺唐辛子用左產自京都嘅唐辛子，上面再灑上木魚片，驚喜嘅係唔會有辛辣，反而有獨特嘅香氣。純和雞手羽先採用左產自日本嘅
今次介紹嘅係嚟自日本嘅過江龍「中目黑居酒屋」。好多去過日本東京嘅朋友可能已經試過佢地位於黑目嘅日本店。餐廳主打日本爐端燒，而食材更加每日由豐洲市場直送，保証相當新鮮。嚟到建議預先預約坐榻榻米卡坐，木製嘅隔板加上暖和嘅燈花，成個人都好放鬆。
蒜香八爪魚帶子沙律
用左新鮮日本直送八爪魚和帶子，兩款都非常爽口又鮮甜，蒜香味十足。
炙燒風味刺身他他
是日刺身用左多款魚肉（三文魚、吞拿魚和油甘魚）製成嘅他他。店員會即場用火槍炙燒，刺身又加入左麵豉醬，外層有焦香，內層又因為麵豉醬更加帶出鮮甜味。
厚切櫻花木煙燻煙肉！推薦！
紅色嘅煙燻煙肉，口感充滿嚼勁。經過櫻花木煙燻，會令到煙肉產生更獨特嘅香氣。
送酒一流！
白汁烤焗海膽三文魚籽通粉
依款創新地用左日本海鮮配搭通粉，面頭放左新鮮海膽、三文魚籽和芝士，切開有長長嘅芝士拉絲，味道鮮甜之餘又同白汁好夾。
滿足壽司-特盛豪快海膽吞拿魚卷
聽個名滿足，就知道一定好豐富。用左多款海鮮：海膽、吞拿魚、三文魚籽和蟹肉放滿壽司上面，多種海鮮嘅鮮味一次過爆發，真係好滿足。
萬願寺唐辛子
用左產自京都嘅唐辛子，上面再灑上木魚片，驚喜嘅係唔會有辛辣，反而有獨特嘅香氣。
純和雞手羽先
採用左產自日本嘅雞翼，外層燒到香脆，內層雞肉又有肉汁。
特製麻糬雪糕三文治（抹茶）
用左法包製成嘅雪糕三文治，抹茶味雪糕加上特製麻糬，甘香又煙韌。
Draft Sake （butter cream)推薦！
酒味唔係好重，口感比較輕巧伴隨着米嘅少許甜味。
人均💰300
如果唔想錯過其他好介紹，記得follow我呀😘
多謝大家！！！
∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴
Post
