宴 尖沙咀

最近好鍾意食日本菜，尤其最鍾意日式居酒屋嘅環境同氛圍，覺得一班friend一齊飲下酒，食下嘢，吹下水，就係非常放鬆，非常爽今次約咗一班friend又嚟到尖沙咀宴，嚟食啲晚餐，飲啲小酒，喺呢度放鬆一下叫咗刺身拼盤，入面有9樣海鮮刺身，每一味都非常鮮美，最主要係新鮮，仲有松葉蟹刺身都唔會輸，肉質非常滑嫩，鮮味十足，仲帶有淡淡嘅鹹香脆可口嘅豬肉芋蓉餅非常下酒，食住好脆，然後可以把酒嘅香氣更加凸顯出嚟，炸咗入面嘅油香亦都會隨住每一口肉進入口度。下酒嘅仲有煙燻豬手，經過煙燻嘅豬手風味十足，唔會油膩，口感亦都非常有彈性，搭配住比較酸嘅醬汁，好開胃富有味噌嘅牛腸鐵板，食起嚟一啲都唔會腥，腸嘅外層都有味噌提鮮，然後仲有一啲焦香，非常好食仲有兩味菜，食起嚟比較清新爽口，就係炸苦瓜同青瓜豬耳，口味都係比較偏清香，口感同口味上都能達到一種解膩嘅效果，好食到極今次同friend揀嘅酒係威士忌highball，味道強烈，細細品嚐能飲到酒精香氣，絕對係人間極品呢一次聚會真係好chill，下次仲要再嚟呢度食嘢飲酒！！