瑪寶鮮

Open Now

Now Closed

好好食的中菜廳，可是位置不太顯眼，所以好容易就錯過食好野的機會！蜜汁叉燒 ($118)每日工房新鮮烤製，採用脢頭，是整隻豬中最好食的部分。肉質又嫩又腍，脂肪比例一流，唔太肥膩同時又有充分的油脂香，坊間好多酒樓的叉燒唔係太乾就太肥，但瑪寶鮮的真是冇得彈！叉燒點上蜜汁及少許鹵水汁，好食到停唔到口~雪山油鹽焗老虎蝦 ($388)手掌咁大嘅炸蝦~一上菜個個都即刻"哇哇"聲，因為真係好壯觀，啲炸蝦堆到成座山咁，又大隻 XD老虎蝦炸到非常香脆，脆到連殼到可以食埋，視乎個人喜好吧~虎蝦口感爽口彈牙，本身已帶點鹹味，上菜時再淋上油鹽湯汁，跟茨汁相似，令味道更鮮。這道菜式非常特別，好值得一試！燒乳鴿 ($118)採用新鮮乳鴿調製 (聽聞市面好多都係冰鮮)，外皮燒到脆扑扑，但又唔會太乾，見到表面的油光就知好食。肉質非常嫩滑，同時帶點嚼勁，一路啲香味就一路滲出黎。嫩滑之餘仲要好juicy，食到成隻碟同成手都係肉汁同油 XD 要食正乳鴿唔一定要去乳鴿專門店，去海鮮酒家一樣有意外驚喜！