喜膳燒

Open Now

Now Closed

放工想食串燒，見附近呢間串串燒既訂檯優惠黎試下！ 涼拌牛舌，一大碗分量好多，芝麻香蔥味道香麻，佐酒絕配！ 🍻點杯生力白啤，帶果香，入口清新！ 🧄蒜蓉燒蟶子皇、珍寶大扇貝蟶子肉，大大條，爽彈鮮滑。大扇貝配粉絲，原汁加埋醬汁燒，貝肉鮮味更提升。 🍆燒茄子，整條放滿蒜蓉，燒得軟稔。 串燒會放喺熱石上保溫，好細心！ 🍢盬燒日本雞心，大大粒有咬口。 🥓鹽燒穀飼三層肉、燒雞皮，香口乾身。🍢黑胡椒燒肥腸，邪惡又好味，🍢燒羊肩肉一客2串，配孜然粉，川風味濃香滿溢！🥢燒鰂魚 ，用錫紙包住鹽燒，鰂魚厚肉少細骨，入口甘香，容易食！