Video
Read full review
2024-05-22
82 views
👦🏻好鐘意食印度菜，特別係正宗印度咖喱，所以今次帶咗佢嚟食兩度獲米芝蓮推介，由印度人主理嘅正宗印度餐廳。裝修走優雅華麗風，望向玻璃牆身見到一幅印式畫像，成個餐廳都充滿異國風情！如果第一次想試印度菜，好推介去呢間，環境乾淨企理仲好適合打卡添👍🏻～🦐烤珍寶大蝦 $268/2pcs大蝦已經剝咗殼去咗蝦頭，非常貼心。珍寶大蝦用乳酪同印度香料醃製過，烤到焦香程度，食落好香口！蝦肉厚身好彈牙！超級推介嗌呢款！🐟炭燒三文魚 $118/2pcs三文魚充滿炭燒香氣，烤到外層焦香，魚肉保持鮮嫩多汁 。🐑串燒羊肉卷 $98/2pcs將羊肉碎捲成粗條狀，用上印式香料醃製，烤得唔會太乾。羊肉卷入口香料味幾重，味道香辣惹味，羊肉味好濃郁。🥘松露奶油咖喱雞柳 $228呢款咖喱係唔辣，食落好重奶油味同松露味好濃郁，質感非常香滑，配埋烤餅一齊食好正！雞柳入口滑溜，煮得夠晒入味🥰！🫓松露芝士烤餅 $68烤餅質感軟熟帶少少煙靭感，入面擺咗啲芝士，面層有好多松露醬，未食已經聞到好香嘅松露味！🧆松露滑汁芝士球 $158賣相同松露奶油咖喱好似😆！呢款加咗辣油，會多咗香辣味。一碟有四個芝士球，食落好似食緊薯蓉，芝士味香濃加上濃烈嘅
👦🏻好鐘意食印度菜，特別係正宗印度咖喱，所以今次帶咗佢嚟食兩度獲米芝蓮推介，由印度人主理嘅正宗印度餐廳。裝修走優雅華麗風，望向玻璃牆身見到一幅印式畫像，成個餐廳都充滿異國風情！如果第一次想試印度菜，好推介去呢間，環境乾淨企理仲好適合打卡添👍🏻～
🦐烤珍寶大蝦 $268/2pcs
大蝦已經剝咗殼去咗蝦頭，非常貼心。珍寶大蝦用乳酪同印度香料醃製過，烤到焦香程度，食落好香口！蝦肉厚身好彈牙！超級推介嗌呢款！
🐟炭燒三文魚 $118/2pcs
三文魚充滿炭燒香氣，烤到外層焦香，魚肉保持鮮嫩多汁 。
🐑串燒羊肉卷 $98/2pcs
將羊肉碎捲成粗條狀，用上印式香料醃製，烤得唔會太乾。羊肉卷入口香料味幾重，味道香辣惹味，羊肉味好濃郁。
🥘松露奶油咖喱雞柳 $228
呢款咖喱係唔辣，食落好重奶油味同松露味好濃郁，質感非常香滑，配埋烤餅一齊食好正！雞柳入口滑溜，煮得夠晒入味🥰！
🫓松露芝士烤餅 $68
烤餅質感軟熟帶少少煙靭感，入面擺咗啲芝士，面層有好多松露醬，未食已經聞到好香嘅松露味！
🧆松露滑汁芝士球 $158
賣相同松露奶油咖喱好似😆！呢款加咗辣油，會多咗香辣味。一碟有四個芝士球，食落好似食緊薯蓉，芝士味香濃加上濃烈嘅松露味，仲有少少香辣，口感幾得意。
🥭Mango Lassi $78
用乳酪、牛奶和芒果醬打成，口感似清新香甜嘅芒果味奶昔，甜度啱啱好，非常開胃！
📍 爵樂印度餐廳 (尖沙咀)
尖沙咀北京道12A號太子集團中心5樓
Post
