Video
Read full review
2024-03-11
26 views
間唔中👦🏻👧🏻會搵間靚靚餐廳拍下拖，今次去咗尖沙咀MW Plaza樓上嘅西餐廳，餐廳燈光偏暗加上播放住柔和音樂，幾有情調。入到嚟見到拱形設計嘅酒櫃位非常亮眼，而另一個打卡位係綠色皮梳化位，後面有個大書櫃，好有英倫風格。書櫃有道隱藏門，入面係一間VIP房，同朋友聚餐真係充滿私隱度阿。呢度有小食、薄餅、主菜、甜品提供，套餐有燒牛肉全日早餐同假日燒牛肉套餐。仲有多款香檳、氣泡酒、紅酒、白酒同雞尾酒等等。🐮燒牛肉全日早餐 $188全日早餐有多款食物，有慢煮燒牛肉🥩、香草雞菌🍄、牛乳滑蛋🥚、牛油果🥑、德國香腸🌭、香煎煙肉🥓、雜菜沙律油醋汁🥗、法包🥖同莎莎醬🥣。慢煮燒牛肉熟度剛好，口感軟腍。牛乳滑蛋炒到非常滑嫩，男士食完呢個全日早餐好飽肚。🐑慢煮紐西蘭燒羊鞍 $248有三件大大件羊鞍，份量十足！外層燒得焦香，切開入面呈現粉嫩色💖，入口軟腍，唔會好羶，配上洋蔥燒汁🥣，味道層次感更豐富。出面好多時配菜都係脆薯角，呢度用咗薯餅千層去代替，口感好似食緊厚身薯片咁，外脆內軟，薯味濃郁🥔 。🍫朱古力香蕉班戟 $68本身叫班戟係黃色嗰款，原來呢度嘅班戟係好似雪糕三文治咁樣凍食❄️，裏面就變咗用朱古力忌廉同生朱古力
呢度有小食、薄餅、主菜、甜品提供，套餐有燒牛肉全日早餐同假日燒牛肉套餐。仲有多款香檳、氣泡酒、紅酒、白酒同雞尾酒等等。
🐮燒牛肉全日早餐 $188
全日早餐有多款食物，有慢煮燒牛肉🥩、香草雞菌🍄、牛乳滑蛋🥚、牛油果🥑、德國香腸🌭、香煎煙肉🥓、雜菜沙律油醋汁🥗、法包🥖同莎莎醬🥣。慢煮燒牛肉熟度剛好，口感軟腍。牛乳滑蛋炒到非常滑嫩，男士食完呢個全日早餐好飽肚。
🐑慢煮紐西蘭燒羊鞍 $248
有三件大大件羊鞍，份量十足！外層燒得焦香，切開入面呈現粉嫩色💖，入口軟腍，唔會好羶，配上洋蔥燒汁🥣，味道層次感更豐富。出面好多時配菜都係脆薯角，呢度用咗薯餅千層去代替，口感好似食緊厚身薯片咁，外脆內軟，薯味濃郁🥔 。
🍫朱古力香蕉班戟 $68
本身叫班戟係黃色嗰款，原來呢度嘅班戟係好似雪糕三文治咁樣凍食❄️，裏面就變咗用朱古力忌廉同生朱古力，再淋上士多啤梨醬喺上面🍓，食落朱古力味道香濃軟滑，喜歡朱古力嘅一定要試吓。另外仲有兩粒馬卡龍，分別係開心果味同士多啤梨味，做得都唔錯。
🍹Pop Star $88
菠蘿味香甜突出🍍，味道有啲似fruit punch，甜甜地容易入口，食完肉類可以清新一下口腔。
📍 The Wall Street Bar & Lounge (尖沙咀)
尖沙咀金巴利道40號MW Plaza1樓
Post
