媽咪雞蛋仔

Open Now

Now Closed

夏日炎炎，喺尖沙咀海旁行到攰，發現碼頭入面有間店鋪好多人排緊隊，原來係媽咪雞蛋仔！我都排埋一份，想入去買返d野食補充下體力。以前食過呢間店嘅雞蛋仔，今次想試下唔同野，於是買咗個格仔餅。格仔餅都有唔同口味可以揀，我揀咗個抹茶口味嘅。而格仔餅裡面嘅餡料，我揀咗花生醬。等咗10分鐘左右，就可以攞得了。一攞起個格仔餅，就聞到格仔餅入面好香嘅花生醬味，裡面嘅花生醬仲係要流心嘅！格仔餅咬落去外脆內軟，花生醬甜而不漏。我仲買咗一杯凍cappuccino ，咖啡冰涼香濃，甜度適中，喺夏天呢個時候飲用，簡直係絕佳之選。