EL CID西班牙餐廳 (Closed)

之前去諾士佛台經過見到一間西班牙菜餐廳，好想試吓。難得今日有朋友生日，就飲完Happy Hour 過來食西班牙菜。餐廳環境非常有氣氛，周圍都掛著西班牙國旗，好有置身西班牙既感覺。 員工服務態度超好。焗香草田螺牛骨髓 $130好少餐廳有得叫呢款菜式，即時叫來試下。第一次見餐廳會用晒成堆海鹽托住牛骨髓來擺盤，好特色。 好多田螺放在牛骨髓上面，食完田螺再食滑嘟嘟嘅牛骨髓。西班牙大蝦海鮮焗飯（2位用）$380用一個小鐵鍋上枱，非常吸晴，落去去色彩繽紛。四隻煎到金黃色嘅大蝦，放喺焗海鮮飯上面，超足料。 再加上吸收晒海鮮汁精華嘅炒飯，好食到爆。Sangria $108以紅酒同水果粒調配而成既傳統Cocktail，調到味道，剛剛好唔會太淡味，飲到水果及紅酒嘅味道。Law in Forest $78又Battle雜果紅茶沖繩嘅水果茶飲落去非常之清新，最適合夏天order。