Video
Read full review
2022-07-24
94 views
食過嵐橋丼飯幾次都覺得好好食，今次就試下嵐橋日本料理，居酒屋格局，氣氛更加chill！呢晚就特登過嚟食餐好，順便慶祝下XD和風刺身沙律 （$118 ）沙律色彩繽紛鮮艷，令人胃口大開！刺身種類好多，有三文魚、牡丹蝦、吞拿魚、油甘魚、三文魚子等，沙律菜新鮮爽脆，配搭酸酸地嘅醋汁、香甜嘅粟米粒、爽脆嘅蟹籽，非常清新醒胃！份量亦好多，好抵食！刺身拼盤揀咗幾款時令刺身：中拖羅（$158）、鯖魚($98)、鮫鰈魚($88)及真鯛($96)，師傅才一下子功夫就將刺身鋪到精緻吸引！鮫鰈有兩食，先試下原味，鮫鰈刺身味道清雅，肉質細緻。鮫鰈邊則肥美非常，微微火炙後將魚油全部迫出，魚油甘香，入口即溶！中拖羅嘅油脂分佈雖然唔太密佈，但魚味濃厚，入口無筋。鯖魚魚皮用火炙至焦香後，魚味更加濃縮，加上香蔥及芝麻，非常惹味！真鯛晶瑩剔透，魚味鮮甜，師傅在魚身𠝹成割痕，更添口感！壽司拼盤揀咗幾款壽司：赤身($84/2)、深海池魚($96/2)及金目鯛($176/2)。赤身魚味濃郁，肉質柔軟綿密，用料新鮮！深海池魚口感紮實，金目鯛配上蘿蔔蓉更有提鮮之效。串燒薩摩赤雞腿肉($34)、鹿兒島黑豚五花腩($38)、雞胸軟骨($
和風刺身沙律 （$118 ）
沙律色彩繽紛鮮艷，令人胃口大開！刺身種類好多，有三文魚、牡丹蝦、吞拿魚、油甘魚、三文魚子等，沙律菜新鮮爽脆，配搭酸酸地嘅醋汁、香甜嘅粟米粒、爽脆嘅蟹籽，非常清新醒胃！份量亦好多，好抵食！
刺身拼盤
揀咗幾款時令刺身：中拖羅（$158）、鯖魚($98)、鮫鰈魚($88)及真鯛($96)，師傅才一下子功夫就將刺身鋪到精緻吸引！鮫鰈有兩食，先試下原味，鮫鰈刺身味道清雅，肉質細緻。鮫鰈邊則肥美非常，微微火炙後將魚油全部迫出，魚油甘香，入口即溶！中拖羅嘅油脂分佈雖然唔太密佈，但魚味濃厚，入口無筋。鯖魚魚皮用火炙至焦香後，魚味更加濃縮，加上香蔥及芝麻，非常惹味！真鯛晶瑩剔透，魚味鮮甜，師傅在魚身𠝹成割痕，更添口感！
壽司拼盤
揀咗幾款壽司：赤身($84/2)、深海池魚($96/2)及金目鯛($176/2)。赤身魚味濃郁，肉質柔軟綿密，用料新鮮！深海池魚口感紮實，金目鯛配上蘿蔔蓉更有提鮮之效。
串燒
薩摩赤雞腿肉($34)、鹿兒島黑豚五花腩($38)、雞胸軟骨($32)、安格斯牛柳粒($68)。估唔到串燒都水準唔錯，火候控制恰到好處，調味亦唔會太鹹太濃味，牛柳粒串燒仲保留肉汁，好juicy添！
天婦羅盛合($108)
種類尚算豐富，有大蝦、魚、松茸、粟米、秋葵、茄子和南瓜。上桌時仲係熱騰騰，炸漿好薄脆，我最鍾意食粟米天婦羅，外脆內爽口，粟米仲好香甜！炸魚都好食，魚肉好嫩滑！
日式炒野菜($68)
份量好多，有炒芽菜、椰菜、冬菇片、蘿蔔絲等，加埋面頭慷慨嘅木魚絲，味道香口！
鯛魚湯鍋燒烏冬($148)
推薦一試！奶白色嘅鯛魚湯底入口鮮甜濃稠，手打烏冬口感彈牙，入面仲有幾塊魚肉，好暖胃！
Post
