Video
Read full review
2019-05-06
14 views
星期六晚去開尖沙咀行街，見到少有既泰國餐廳進駐尖沙咀，女友話有段時間無食過泰國菜都可以食，咁我哋就去光顧啦！7 點左右去到餐廳，差唔多坐滿，我哋2 個人都比賽易揾到位，店內裝修幾有泰國風情，環境闊落，都坐得幾舒服！坐底無耐待應就放低左兩杯幾香甜既水俾我哋飲，睇落平平無奇既水，點解可以咁香甜？ 原來加左斑蘭葉落去浸，怪唔得會咁香甜！餐廳主打泰式粉麵，除左常見既冬蔭湯底，藥膳湯底外，仲有好少見到既泰北烏汶湯底！除左粉麵外，仲有d招牌既小菜選擇，每個種類都有幾樣野揀，真係貴精唔貴多！我哋都未食過泰北烏汶湯底既河粉，所以都有叫返碗嚟食！ 牛骨味既湯底帶點辣都幾甜美，湯入面加左幾條九層塔，令到個湯底香味十足！河粉都幾滑，牛腩都如果多幾舊仲理想除左粉麵外，我哋仲叫左其他野食，先嚟到既有泰式炒金邊粉，賣相唔金日，份量都ok! 而且鑊氣十足，用料都幾多，好易就可以夾到大大隻爽口既蝦仁！ 呢個比九龍城部份泰國餐廳炒得更好！另一個扎肉海鮮沙律都好快送到嚟，辣味十足，都幾惹味，入面除左扎肉仲有大大粒蝦仁，青口仔等等，啱晒食得辣既我！最後要講下呢杯泰式玫瑰奶茶(少甜) , 喜歡飲花茶既朋友真係一定要試下，
7 點左右去到餐廳，差唔多坐滿，我哋2 個人都比賽易揾到位，店內裝修幾有泰國風情，環境闊落，都坐得幾舒服！
坐底無耐待應就放低左兩杯幾香甜既水俾我哋飲，睇落平平無奇既水，點解可以咁香甜？ 原來加左斑蘭葉落去浸，怪唔得會咁香甜！
餐廳主打泰式粉麵，除左常見既冬蔭湯底，藥膳湯底外，仲有好少見到既泰北烏汶湯底！
除左粉麵外，仲有d招牌既小菜選擇，每個種類都有幾樣野揀，真係貴精唔貴多！
我哋都未食過泰北烏汶湯底既河粉，所以都有叫返碗嚟食！ 牛骨味既湯底帶點辣都幾甜美，湯入面加左幾條九層塔，令到個湯底香味十足！
河粉都幾滑，牛腩都如果多幾舊仲理想
除左粉麵外，我哋仲叫左其他野食，先嚟到既有泰式炒金邊粉，賣相唔金日，份量都ok! 而且鑊氣十足，用料都幾多，好易就可以夾到大大隻爽口既蝦仁！ 呢個比九龍城部份泰國餐廳炒得更好！
另一個扎肉海鮮沙律都好快送到嚟，辣味十足，都幾惹味，入面除左扎肉仲有大大粒蝦仁，青口仔等等，啱晒食得辣既我！
最後要講下呢杯泰式玫瑰奶茶(少甜) , 喜歡飲花茶既朋友真係一定要試下，因為玫瑰既香味都幾濃郁，飲到成口都係玫瑰花香，久久不散，幾有特色！
Post
