大川滬 (Under Renovation)

趁放假同屋企人去尖沙咀行吓街，朋友之前去過中港城一間中菜，就去試下，之前都唔知原來中港城平台位有餐廳。餐廳幾開揚，日光灑入黎幾正，坐得舒服。花雕醉雞🐣花雕味好重，肉質好滑，凍食嘅雞皮好正，啫喱咁。樟茶鴨🦆父母最鍾意呢味餸，鴨燻得乾身，唔會感覺油膩，食落都好香口。而且鴨肉好入味，唔使點醬都夠味，食到好滋味。隔離幾個饅頭造型都好特別。韭黃蟮糊蟮肉一條條絲狀，數量都唔少，而且已經起曬骨，配搭大量韭黃炒埋一齊，惹味。干煸四季豆每次食上海菜都一定會叫四季豆，食咁多肉食返啲菜中和下。四季豆同肉碎一起炒得好香口，仲有少少辣椒吊下味。