隱町

Open Now

Now Closed

呢間居酒屋真係「隱世」到爆，門口全黑，入到去燈光暗暗哋，私隱度爆燈，啱晒一班friend傾偈飲酒今次專攻串燒，即叫即燒熱辣辣上枱，每串都keep到水準，真心推介呢幾款青葡萄豚肉卷：豚肉包住粒巨峰青葡萄，一啖咬落去爆汁！酸甜果汁中和咗豚肉油香，個配搭勁驚喜，必嗌！ 燒大蝦：隻蝦大過我手掌！蝦殼燒到脆卜卜，蝦肉彈牙到呢～ 鹽燒簡單但超好食，鮮味爆燈燒白鱔：皮脆到「咔嚓」聲，魚肉嫩到漏油，加少少檸檬汁吊味，食完想encore明太子蝦棒：外層炸到金黃脆身，滿滿明太子醬同蝦肉，鹹香鮮甜一次過衝擊味蕾，邪惡但停唔到口紫蘇蝦餅天婦羅：紫蘇葉嘅香氣好突出，包住彈牙蝦餅，天婦羅粉超薄唔油膩，點埋蘿蔔蓉汁，清新得嚟又香口隱町卷：鎮店招牌，吞拿魚+天婦羅堆到滿一滿，一啖食落去口感爆炸，仲有啲脆脆增加層次，滿足感💯 呢度嘅串燒真係有驚喜，食材新鮮唔hea做，調味唔會死鹹遮晒原味。價錢中上但質素對得住，仲有種「發現秘密基地」嘅感覺，想同friend chill下又唔想人逼人，呢度絕對係隱藏好選擇～ 後記：同師傅傾開先知原來六年前佢哋已經係太子一條巷仔紮根，依家先搬咗黎尖沙咀，除咗串燒之外，亦都多咗壽司刺身選擇，