Video
Read full review
2023-09-11
102 views
唔係朋友介紹都唔知美麗華上面有間咁高質嘅日式Cafe😂商場樓上環境好闊落，地點就腳，絕對係可以慢慢傾偈慢慢食！真心推薦佢哋嘅甜品，疏乎厘班戟好有驚喜，蛋捲都做得好有水準🍛唐揚炸雞蛋包飯 $138 另收加一 (7/10)每逢叫主食都會送沙律，或者麵豉湯！椰菜沙律非常清爽，有少少醋汁，酸酸地幾開胃！個飯係用茄汁炒過，同珍珠米嘅，炒蛋都幾嫩滑，起碼用咗三至四隻蛋非常足！炸雞都香脆唔油膩嘢，雞肉有少少酒嘅味道，個汁就酸酸地都係幾開胃，真係大份都好夠飽！感覺係同我喺日本地下街食到嘅蛋包飯差唔多質素XD🍛 炸豬扒咖喱烏冬 $128 另收加一 (7/10)炸豬扒炸粉好薄好香脆，係新鮮炸起嘅，豬扒食落去都紮實，唔會好乾身，烏冬係扁身嘅烏冬，食落軟滑。咖喱幾香濃，入邊有啲洋蔥蘿蔔，ok的！🥞日本疏乎厘班戟配雪糕 $138 (9/10)疏乎厘班戟有三大塊，配咗忌廉牛油雪糕同埋楓糖漿，食落去非常鬆軟又彈香，蛋味真係好濃郁，不過口感就比較偏腍同濕潤，唔算話好空氣感嗰種，中間係有少少流心嘅感覺，忌廉都係手工打，非常香奶味！抹茶雪糕非常香濃，一啲都唔甜，好軟滑，簡直冇得輸！😆🍴各種口味大蛋卷 $39 (8/10)
🍛唐揚炸雞蛋包飯 $138 另收加一 (7/10)
每逢叫主食都會送沙律，或者麵豉湯！椰菜沙律非常清爽，有少少醋汁，酸酸地幾開胃！
個飯係用茄汁炒過，同珍珠米嘅，炒蛋都幾嫩滑，起碼用咗三至四隻蛋非常足！炸雞都香脆唔油膩嘢，雞肉有少少酒嘅味道，個汁就酸酸地都係幾開胃，真係大份都好夠飽！感覺係同我喺日本地下街食到嘅蛋包飯差唔多質素XD
🍛 炸豬扒咖喱烏冬 $128 另收加一 (7/10)
炸豬扒炸粉好薄好香脆，係新鮮炸起嘅，豬扒食落去都紮實，唔會好乾身，烏冬係扁身嘅烏冬，食落軟滑。咖喱幾香濃，入邊有啲洋蔥蘿蔔，ok的！
🥞日本疏乎厘班戟配雪糕 $138 (9/10)
疏乎厘班戟有三大塊，配咗忌廉牛油雪糕同埋楓糖漿，食落去非常鬆軟又彈香，蛋味真係好濃郁，不過口感就比較偏腍同濕潤，唔算話好空氣感嗰種，中間係有少少流心嘅感覺，忌廉都係手工打，非常香奶味！抹茶雪糕非常香濃，一啲都唔甜，好軟滑，簡直冇得輸！😆
🍴各種口味大蛋卷 $39 (8/10)
蛋糕非常濕潤，好軟腍鬆軟，忌廉打到好Creamy好滑，黑芝麻味非常香濃，抹茶味都好香好出，有少少回甘！
🍴馬卡龍 $18 (7/10)
要咗甜酒嘅味道，食落去香脆，但都係比較偏甜，酒嘅味道唔算好出🤔
推薦指數: 7.5/10
真心覺得佢哋嘅甜品好食過主菜超級多！如果嚟到嘅話不妨叫下疏乎厘班戟同埋佢哋嘅大大卷試吓，都有好多唔同嘅口味任君選擇㗎！
Post
