Video
Read full review
2024-05-28
38 views
Luna Thai 位於尖沙咀K11對面街漆咸道南內街，朋友介紹嚟比較易搵，隱世泰菜又估唔到超正宗喎！之後先知係泰國廚師主理。 餐廳裝潢有泰國樹林風情，綠色植物配上比較大嘅座位，整體氣氛唔錯，除咗正宗嘅泰國嘢食之外，仲有大量嘅酒精飲品，飲酒之人啱哂！泰式生醃螄蚶店員給予一個開蚶器方便從螄蚶背部一剔打開。螄蚶喺其他泰國餐廳比較少見到嘅食材，一般香港較難搵到，呢度嘅螄蚶非常新鮮，肉質清甜多汁，充滿鹹鮮味。泰式生蝦用酒杯裝住上菜，生蝦好大隻，同傳統泰國食嘅一樣跟着苦瓜蒜頭同埋辣椒，下面嘅醬非常辣，真係泰好味！泰式咖喱炒蜆濃厚嘅咖喱香料混合蜆肉嘅鮮甜味，襯托得淋漓盡致，店員會問你跟唔跟蒜蓉包或薄餅，由於嗌咗炒金邊粉，所以冇叫到另一啲澱粉質，其實配薄餅應該會幾夾幾好食，等我下次黎試吓先🔥泰式香茅鹽虎斛魚魚肉厚實飽滿，散發著清新嘅香茅味。鹹鮮味十分醇厚濃郁，跟兩款醬汁一齊食，魚露調配醬汁夠鮮同甜辣調配醬汁惹味，2樣都各有特色。泰式冬陰功湯非常正宗👍夠辣夠酸夠甜！湯中鮮蝦有四隻！湯底散發出陣陣馥郁辛香，見到湯中有唔少香料，仲有菇菌類等煮得恰到好處。 泰式炒金邊粉金邊粉同泰國當地食到嘅一樣有嚼勁。煮
Luna Thai 位於尖沙咀K11對面街漆咸道南內街，朋友介紹嚟比較易搵，隱世泰菜又估唔到超正宗喎！之後先知係泰國廚師主理。
餐廳裝潢有泰國樹林風情，綠色植物配上比較大嘅座位，整體氣氛唔錯，除咗正宗嘅泰國嘢食之外，仲有大量嘅酒精飲品，飲酒之人啱哂！
泰式生醃螄蚶
店員給予一個開蚶器方便從螄蚶背部一剔打開。螄蚶喺其他泰國餐廳比較少見到嘅食材，一般香港較難搵到，呢度嘅螄蚶非常新鮮，肉質清甜多汁，充滿鹹鮮味。
泰式生蝦
用酒杯裝住上菜，生蝦好大隻，同傳統泰國食嘅一樣跟着苦瓜蒜頭同埋辣椒，下面嘅醬非常辣，真係泰好味！
泰式咖喱炒蜆
濃厚嘅咖喱香料混合蜆肉嘅鮮甜味，襯托得淋漓盡致，店員會問你跟唔跟蒜蓉包或薄餅，由於嗌咗炒金邊粉，所以冇叫到另一啲澱粉質，其實配薄餅應該會幾夾幾好食，等我下次黎試吓先🔥
泰式香茅鹽虎斛魚
魚肉厚實飽滿，散發著清新嘅香茅味。鹹鮮味十分醇厚濃郁，跟兩款醬汁一齊食，魚露調配醬汁夠鮮同甜辣調配醬汁惹味，2樣都各有特色。
泰式冬陰功湯
非常正宗👍夠辣夠酸夠甜！湯中鮮蝦有四隻！湯底散發出陣陣馥郁辛香，見到湯中有唔少香料，仲有菇菌類等煮得恰到好處。
泰式炒金邊粉
金邊粉同泰國當地食到嘅一樣有嚼勁。煮得剛剛好，有啲Q彈口感。加埋正宗金邊粉配搭嘅配料，有砂糖、花生碎、辣椒粉、青檸、豆腐干絲，增加咗層次同口感。
呢間泰菜酒吧餐廳真係令我同朋友都非常有驚喜，食到嘅菜式同去泰國地道食嘅餐廳不相伯仲，夠酸夠辣夠甜夠鹹香，完全係去咗當地食一樣，正！
Post
