火土燒肉

估唔到係尖沙咀呢個鬧市都可以搵到露營風嘅燒肉店，店入面用具專業，裝飾亦充滿野外露營feel，而且食物亦夠高質，係度chill下都真係幾正呀🌟全牛特選拼盤 $478🌟有牛肋肉、牛胸腹、香蔥蒜末牛舌、雪花牛及牛里脊肉。每份肉都色澤光鮮，油脂比例分佈鮮明。個人最喜歡牛胸腹，牛味濃郁之餘，油香亦剛剛好，食完之後個鮮牛味係口入面last好耐，超正！配埋紅酒醬及燒肉醬食更為惹味🌟燒雞皮餃子卷 $48🌟雞皮餃子都頗為厚身，燒大約5分鐘左右就搞掂。食落個餃子鎖到雞皮嘅油及香味，一食仲有少少爆汁。同大家分享樣tips，用牛脂嚟搽係雞皮餃子個面去燒的話，個雞皮會仲易變得金黃香脆架🌟日本雞心 $68🌟燒雞心口感爽彈，炙燒香味非常夠🌟磯煮鮑魚 $38/隻🌟磯煮鮑魚質感軟硬適中，幾有咬口。同時又不失軟滑，醬汁更加鮮甜濃厚🌟松葉蟹肉蟹膏拌飯 $88🌟蟹肉及蟹膏份量充足，店員建議係燒之前先拌勻，再燒7至8分鐘就食得。蟹肉鮮甜，飯索左d蟹汁更加入味，用嚟送燒肉豐富晒個口感及層次