Video
Read full review
2025-01-14
90 views
呢間韓國菜喺尖沙咀有幾間分店咁多，而我哋諗住食燒肉，就嚟咗近天文臺道嘅呢一間。餐廳係傳統韓燒嘅格局，店員好多都係韓國人，非常地道。坐低就有幾款泡菜可以食住先，係正宗嘅韓國味道，所以偏辣。牛肉拼盤Set A $560我哋兩個人叫咗個牛肉拼盤,有4款牛部位，同一個湯(泡菜/大醬)，肉嘅份量夠晒兩個人食，而且仲有無限量生菜供應用嚟包住d肉同辣醬一齊食。4款牛分別係牛肉眼、牛肋骨肉、肩胛肉同板腱肉。肉眼扒大大塊，肉質腍嫩。牛肋骨會帶少少筋，食落更加有口感。肩胛肉同板腱肉味較濃。店員仲會幫手燒肉，咁就唔使自己落手。湯我哋揀咗大醬湯，入面有豆腐、蜆肉、蔬菜等配料，湯唔會太鹹，味道啱啱好。水冷麵 $90我哋另外仲叫咗碗水冷麵，麵食落好煙靭，清涼嘅味道同口感可以中和返燒肉嘅油膩感，仲可以加醋同黃芥辣撈埋一齊食，別有一番風味。。。南대門 (尖沙咀)尖沙咀金巴利道65-67號太平洋大廈地下2號舖。。
牛肉拼盤Set A $560
我哋兩個人叫咗個牛肉拼盤,有4款牛部位，同一個湯(泡菜/大醬)，肉嘅份量夠晒兩個人食，而且仲有無限量生菜供應用嚟包住d肉同辣醬一齊食。
4款牛分別係牛肉眼、牛肋骨肉、肩胛肉同板腱肉。肉眼扒大大塊，肉質腍嫩。牛肋骨會帶少少筋，食落更加有口感。肩胛肉同板腱肉味較濃。店員仲會幫手燒肉，咁就唔使自己落手。
湯我哋揀咗大醬湯，入面有豆腐、蜆肉、蔬菜等配料，湯唔會太鹹，味道啱啱好。
水冷麵 $90
我哋另外仲叫咗碗水冷麵，麵食落好煙靭，清涼嘅味道同口感可以中和返燒肉嘅油膩感，仲可以加醋同黃芥辣撈埋一齊食，別有一番風味。
。
。
南대門 (尖沙咀)
尖沙咀金巴利道65-67號太平洋大廈地下2號舖
。
。
Post
