水門雞飯 (厚福街)

Open Now

Now Closed

尖沙咀厚福街出名多好野食，呢間水門雞飯平時晚上見要排晒隊，今日經過，就入去買個外賣先。價錢合理，平靚正，堂食仲吾洗加一，嗌左兩個水門雞飯（54元）同兩個紅咖哩牛肉飯(50元)，另叫多個小食香茅雞翼，都只係24元，好正呀，價錢好吸引。飯仲有湯送埋架。先講招牌水門雞飯，雞好滑，雞皮都好好食，一d都冇肥膩感，朋友一向吾食雞皮都話好好食，雞又吾會乾仲保留肉汁，正啊。飯香有雞味，份量岩岩好，湯是冬瓜湯，咸鮮味仲有幾粒冬瓜食下，呢個價已做超好了。另外紅咖哩牛肉飯又是很讚，咖哩是真辣的，非常惹味，牛肉份量都多，絕不偷工減料，配菜都有很多香料同草菇，好味道，外賣包裝都很好，會分開咖哩一碗，飯一碗咁，不怕變淋一齊，味道好，價錢先50元，想再光顧。至於香茅雞翼，很香脆，是連雞翼尖的，很惹味，味道一流。整體非常滿意，性價比很好，堂食免加一更佳，難怪咁多人排隊。