平成 (Closed)

今日黎到平成，係條巷仔入面，細細間，裝修到好似日本嘅居酒屋，搞到我真係以為自己去咗日本旅行🧳好有feel🥰🥰😘舖頭面積好細，坐到四五張枱，而且仲用木系裝修，牆上貼滿酒瓶嘅貼紙！我哋兩個人一邊飲野一邊吹水👻好窩心！燒雞肉脆骨棒！一個叫左配溫泉蛋一個配生蛋！將個雞肉棒撩埋啲肉一齊食真係好好味好肥美！汁燒墨魚咀第一次食汁燒墨魚咀，原來都幾特別！好爽口彈牙，甜甜地，配酒一流！鹽燒油甘魚鮫表皮燒到脆脆地，魚肉軟身，因為用鹽燒嘅關係比較咸，但係估唔到都幾多肉下溫泉蛋松葉蟹肉蟹膏拉麵喜出望外嘅撈麵，平時如果有蟹膏蟹肉會好鹹，今次配埋溫泉蛋，唔係一個拉麵而係撈麵，雖然有少少痴口但係唔會好鹹啱啱好！越食越開胃，出邊未試過！三重芝士燒五花腩肉蛋餅必食推介之一表面有少少蝦米同香蔥，內裏用芝士加蛋燒到好香口，食完都幾飽肚！梳打因為朋友唔飲酒關係我哋兩個人嗌左兩杯梳打比較建議巨峰提子梳打