Video
Read full review
2022-10-04
599 views
位於加連威老道地舖，開業咗大約半年嘅川洒舍，係我近期食過數一數二高質素既食店，這裏簡單嚟講係一間居酒屋，主打串燒，燒烤，種類繁多，豬，牛，羊，雞，海鮮，蔬菜，炸物，主食都有，當然唔少得摸吓酒杯底飲兩杯，清酒啤酒當然都係主打👍🏻這裏地方唔太大，一入門口一眼望晒，木系裝修，充滿日本風情，位置坐得非常舒服，分開吧枱及多張四人枱，播放住好多日文改篇嘅廣東歌既日文版，氣氛超級好，聽住熟悉嘅歌曲好有共鳴，真係想唱埋一份😎▪️是日晚餐二人前，食下串燒飲吓酒，不知不覺又食咗好多嘢🤭🐠海鮮▪️燒白鱔 $ 68燒白鱔皮脆，肉質厚身，爽口又彈牙，非常鮮味▪️蒜燒日本廣島𧐢 $ 78必食推介，新鮮生蠔大隻又飽滿，味道鮮甜，好Juicy 充滿𧐢汁，配合埋蒜蓉少少辣椒，夠惹味▪️鹽燒日本鯖魚 $ 78日本鯖魚特別大條肥美好厚肉，燒到魚皮香脆，肉質充滿肉汁，加上檸檬汁，好好食🐔雞▪️免治雞肉棒 （2串）$ 60自家製手打雞肉棒，雞肉爽口彈牙，食到粒粒雞軟骨，口感爽脆，配合埋燒汁日本蛋黃，美味▪️脆脆雞皮串 （2串）$ 50日本直送鮮雞皮，外皮香脆，口感仍然食到雞皮嘅脂肪，雞油滿瀉，味道鹹香，最鍾意食呢種狀態嘅既雞皮▪️惹味雞心串
位於加連威老道地舖，開業咗大約半年嘅川洒舍，係我近期食過數一數二高質素既食店，這裏簡單嚟講係一間居酒屋，主打串燒，燒烤，種類繁多，豬，牛，羊，雞，海鮮，蔬菜，炸物，主食都有，當然唔少得摸吓酒杯底飲兩杯，清酒啤酒當然都係主打👍🏻
這裏地方唔太大，一入門口一眼望晒，木系裝修，充滿日本風情，位置坐得非常舒服，分開吧枱及多張四人枱，播放住好多日文改篇嘅廣東歌既日文版，氣氛超級好，聽住熟悉嘅歌曲好有共鳴，真係想唱埋一份😎
▪️是日晚餐二人前，食下串燒飲吓酒，不知不覺又食咗好多嘢🤭
🐠海鮮
▪️燒白鱔 $ 68
燒白鱔皮脆，肉質厚身，爽口又彈牙，非常鮮味
▪️蒜燒日本廣島𧐢 $ 78
必食推介，新鮮生蠔大隻又飽滿，味道鮮甜，好Juicy 充滿𧐢汁，配合埋蒜蓉少少辣椒，夠惹味
▪️鹽燒日本鯖魚 $ 78
日本鯖魚特別大條肥美好厚肉，燒到魚皮香脆，肉質充滿肉汁，加上檸檬汁，好好食
🐔雞
▪️免治雞肉棒 （2串）$ 60
自家製手打雞肉棒，雞肉爽口彈牙，食到粒粒雞軟骨，口感爽脆，配合埋燒汁日本蛋黃，美味
▪️脆脆雞皮串 （2串）$ 50
日本直送鮮雞皮，外皮香脆，口感仍然食到雞皮嘅脂肪，雞油滿瀉，味道鹹香，最鍾意食呢種狀態嘅既雞皮
▪️惹味雞心串 $ 28
雞心口感帶點嚼勁，燒汁好入味，配啤酒一流
▪️惹味雞肝串 $ 28
從未食過咁大嘅雞肝，師傅透露係日本某一隻品種既雞，口感非常柔潤，有點像鵝肝，絕無騷味，非常出色
▪️汁燒雞胸脆骨串 $ 32
脆卜卜嘅雞胸骨，爽爽脆脆又入味，越食越想食
🐷 豬 & 牛🐮
▪️秘制果香牛肋條 $ 128
牛肋條切成牛肉粒，睇相都知道有幾吸引，邊位燒得香脆，中間肉部份仍然保持粉嫩，口感軟腍，肉質滿瀉，味道帶點點燒汁嘅香甜，好好食
▪️汁燒爽口豬頸肉 $ 68
豬頸肉切成薄片，肉質爽口彈牙，非常入味，一口一件，就咁食已經好好食，配合埋店舖自家製賣點點蒜香甜味嘅醬汁，更加惹味
🍙主食🥖麵包🍲湯
▪️川洒舍炸飯團 $ 28
第一次食炸飯團，飯團外層係好似天婦羅嘅炸槳，好鬆脆，飯團本身有少少調味，配合埋千島醬沙律醬，木魚絲，紫菜，我好鍾意食
▪️鮮魚湯雜菜鍋 $ 48
一定要點嘅推介，魚湯呈奶白色狀態，非常香濃嘅魚味，好鮮甜鮮味，浸住豆腐，香菇，蔬菜，清甜又好味，我會為咗呢個湯再次返嚟😎
▪️烤焗蒜蓉包 $ 25
簡單嘅蒜蓉包，焗得香脆，充滿牛油蒜蓉香，正
🍍甜品
▪️脆脆焦糖菠蘿 （兩份） $ 50
呢個都係一定要食，燒菠蘿非常多汁清甜，外層有一層脆脆焦糖香，更加甜蜜，係最佳嘅飯後甜品，好味到要叫兩份
🍻🍹
▪️荔枝紅冷泡茶 $ 28
這裏有好多唔同飲品供應，最特別係自家製嘅冷泡茶，我選擇左荔枝味，充滿荔枝烏龍茶香，完全無糖，解渴好飲
▪️Orion 生啤 $ 68
生啤當然唔少得，呢度係用日本Orion 生啤，一邊飲一邊食串燒，好有響日本既感覺
✨一定會再回訪，食物質素高，今日食過基本上全部都好好食，而且價錢非常合理，好適合一邊食串燒，飲酒傾偈嘅好地方
Post
