酒鍋 (天文臺道) (Closed)

天氣勁凍去咗呢間酒鍋打邊爐。懶得揀就叫咗個全要二人餐($388/位)，有齊湯底、和牛、海鮮同其他火鍋料，可以食勻咁多款嘢食，非常豐富。黃金美人非常足料嘅湯底，金黃嘅湯頭，鮮味十足，而且有滿滿嘅骨膠原，非常滋保養顏。入面有大量胡椒豬肚，仲有花膠同雞件，剩係湯底嘅配料已經可以食到半飽。黑毛和牛套餐包咗黑毛和牛，牛肉大大塊，肉質腍嫩又品會好肥，入口肉味香濃。海鮮拼盤另外仲有重頭戲嘅海鮮拼盤，有扇貝、蟶子、海蝦同大蜆。海鮮類全部都夠新鮮，扇貝大大隻肉質鮮甜水嫩，蟶子爽口彈牙。除此之外，仲有濃郁芳香嘅黑松露蝦蟹餃、魚皮餃、手打彈牙墨魚丸、流心滋味嘅手打芝士蝦丸。蔬菜方面有娃娃菜、生菜、粟米芯、蕃茄等組成嘅雜菜籃，另外仲有招牌蜂巢豆腐，綿密嘅口感再吸收埋鮮味湯汁。Peachy Punch / Summer Delight $58@打邊爐當然要叫嘢飲，呢到特別在有各式mocktail供應，好似呢款peachy punch就以lemonade做base加入提子、菠蘿汁、桃糖漿等調製，飲落夠清新。另一杯summer delight就以芒果汁同菠蘿汁做主調，果味香濃，口感有d似smoothie。。。酒鍋