Video
Read full review
2024-11-28
313 views
位於尖沙咀the one地點非常就腳方便，餐廳環境氣氛都唔錯，同friend兩個人嚟叫咗佢哋嘅2人晚市套餐，有餐湯、自選兩款小碟同兩款主菜，$538起for 2，算係高質之選。是日餐湯係薯仔湯，味道香濃幼滑。餐包口感唔錯，非常軟熟。兩款小碟可以揀頭盤或者甜品，我哋就揀咗每樣一款。法式點心拼盤 (+$30)拼盤有成5款法式點心，款款都好有特色，好似菠菜芝士蛋餅、蟹肉莎莎撻、炸松露球、煙三文魚蓉多士同西班牙火腿。其中嘅蟹肉撻就做得最出色，鮮甜蟹肉配埋莎莎醬同脆撻底，口感味道層次都好豐富。原隻烤龍蝦 (+$135)主菜加錢叫咗烤龍蝦，用嘅係原隻新鮮龍蝦以芝士忌廉烤焗，龍蝦肉質結實爽彈，味道鮮甜，仲有好多蝦膏。配埋個龍蝦蕃茄醬汁，食起上嚟就冇咁膩。阿根廷安格斯牛脊肉 (+$55)另一款主菜叫咗5成熟嘅牛脊肉，牛脊肉中心keep到粉嫩，肉質都算腍嫩，點少少鵝肝白蘭地醬汁，就更加帶出到香濃嘅肉味。蘋果肉桂可麗餅可麗餅上面鋪咗滿滿嘅蘋果蓉同焦糖醬，味道香甜可口，加埋個雲呢拿雪糕，超滿足。Frozen Tripocolada / Punch Fruite (原價$65)2人晚市套餐跟餐叫飲品仲有8折，
是日餐湯係薯仔湯，味道香濃幼滑。餐包口感唔錯，非常軟熟。兩款小碟可以揀頭盤或者甜品，我哋就揀咗每樣一款。
法式點心拼盤 (+$30)
拼盤有成5款法式點心，款款都好有特色，好似菠菜芝士蛋餅、蟹肉莎莎撻、炸松露球、煙三文魚蓉多士同西班牙火腿。其中嘅蟹肉撻就做得最出色，鮮甜蟹肉配埋莎莎醬同脆撻底，口感味道層次都好豐富。
原隻烤龍蝦 (+$135)
主菜加錢叫咗烤龍蝦，用嘅係原隻新鮮龍蝦以芝士忌廉烤焗，龍蝦肉質結實爽彈，味道鮮甜，仲有好多蝦膏。配埋個龍蝦蕃茄醬汁，食起上嚟就冇咁膩。
阿根廷安格斯牛脊肉 (+$55)
另一款主菜叫咗5成熟嘅牛脊肉，牛脊肉中心keep到粉嫩，肉質都算腍嫩，點少少鵝肝白蘭地醬汁，就更加帶出到香濃嘅肉味。
蘋果肉桂可麗餅
可麗餅上面鋪咗滿滿嘅蘋果蓉同焦糖醬，味道香甜可口，加埋個雲呢拿雪糕，超滿足。
Frozen Tripocolada / Punch Fruite (原價$65)
2人晚市套餐跟餐叫飲品仲有8折，所以我哋都叫咗兩杯mocktail。Frozen Tripocolada係用菠蘿、香蕉同椰奶調配沙冰，果味香甜而且好有熱帶風情。Punch Fruite就用薑味汽水做底，加入菠蘿、西柚同小紅莓汁，味道清新。
。
。
Odelice! (The ONE) (尖沙咀)
尖沙咀彌敦道100號The ONE 4樓L407號舖
。
。
Post
