牛魔 (Closed)

FD話想吃和牛，咁一定要再encore食咗好多次D牛魔啦。晚市都幾full下，7點入座已經坐滿7-8成。巨峰蘇打特飲和鳳梨蘇打特飲，飲落唔會好甜，落咗好多椰果，配燒烤一流。前菜有中華沙律同泡菜，兩份小菜都可以搭配烤肉一齊食。櫻花蝦豆腐，豆腐炸得啱啱好，食落好香口，搭配啲醬汁好清爽，開胃菜唔錯。全天然豚肉五花腩（八枚）（厚切跟生菜），豚肉好大一件，烤完好焦香，搭配埋生菜同韓式辣醬一齊食，一流。澳洲M5/M6和牛牛板腱，一份有5件，雪花分佈得好均勻，微微燒已經可以食。食落好嫩滑，入口即化，同埋好重牛味，超好味。香蔥薄切牛舌，牛舌都好厚，食落勁Q彈，搭配埋香蔥一齊食，好味。美國和牛封門柳，哩個真係不得了，睇落好大一件同埋好厚切，驚燒好耐都唔熟，結果好快已經燒熟。食落真係入口即化，一D都唔覺得柴，同埋和牛質素都幾好，牛肉油香好重。日本魷魚筒（一本），魷魚好大一條，魷魚須盤成波波樣，好得意。魷魚食落好鮮甜同埋好彈牙，唔錯。芝士吉列鳥沘肉飯卷，一份有4件，每一件配料都好豐富，有三文魚籽，芝士，吉列炸雞同生菜。醬汁係芥辣味，搭配飯卷好啱！牛魔出品一向好有保證，食得好滿足TIM。