Video
Read full review
2022-07-12
39 views
今日放學之後同朋友去左食餐好嘅Omakase獎勵自己。鮨 $1880/位前菜係牡丹蝦mousse，食落會有啲空氣感，有啲似梳乎厘咁。Mousse口感好滑，配埋鹹鹹地嘅清湯啫喱同埋三文魚籽，加上紫蘇花嘅香氣，好特別。刺身右口魚卷住海膽，落左岩鹽，唔洗點豉油都夠曬味，食落鮮甜creamy。至於放喺前面嘅魚邊就用左汁去燒，將油分逼出黎，食落好香好好食。日本水八爪魚分開左肉同吸管，加上柚子皮同青檸汁，食落脆身，至於吸管部分就更脆更爽口。網燒獅魚係大條嘅油甘魚，上面係柚子胡椒，調味酸酸辣辣，好食。粒貝姐係螺肉，上面有竹炭鹽，食落比八爪魚更脆更爽口。新鮮鯖魚春夏天當造，肥美，冇醃醋，食落比較滑身。上面有木魚絲醃嘅蒜，食落冇平時啲蒜咁搶味。野生拖羅青森縣大間拖羅，因為係野生，顏色望落會暗啲，肌肉比較實淨啲，食落比較濃郁。一塊係半肥瘦中拖羅，另一塊係大拖羅，油分最重。赤鯥魚燒過，外皮香脆，油分超重，湧曬出黎，油香十足。呢款係我最鍾意嘅刺身。岩手縣赤崎真蠔上面係紫洋蔥醬，海水味相對法國蠔較重，最初鹹鹹地，食到最後就覺得好鮮甜。熟食燒芝麻河豚白子，加上烏魚子粉，燒一燒更香，充滿鹹香，入面好似燉奶咁滑，外面
鮨 $1880/位
前菜
係牡丹蝦mousse，食落會有啲空氣感，有啲似梳乎厘咁。Mousse口感好滑，配埋鹹鹹地嘅清湯啫喱同埋三文魚籽，加上紫蘇花嘅香氣，好特別。
刺身
右口魚
卷住海膽，落左岩鹽，唔洗點豉油都夠曬味，食落鮮甜creamy。
至於放喺前面嘅魚邊就用左汁去燒，將油分逼出黎，食落好香好好食。
日本水八爪魚
分開左肉同吸管，加上柚子皮同青檸汁，食落脆身，至於吸管部分就更脆更爽口。
網燒獅魚
係大條嘅油甘魚，上面係柚子胡椒，調味酸酸辣辣，好食。
粒貝
姐係螺肉，上面有竹炭鹽，食落比八爪魚更脆更爽口。
新鮮鯖魚
春夏天當造，肥美，冇醃醋，食落比較滑身。
上面有木魚絲醃嘅蒜，食落冇平時啲蒜咁搶味。
野生拖羅
青森縣大間拖羅，因為係野生，顏色望落會暗啲，肌肉比較實淨啲，食落比較濃郁。
一塊係半肥瘦中拖羅，另一塊係大拖羅，油分最重。
赤鯥魚
燒過，外皮香脆，油分超重，湧曬出黎，油香十足。呢款係我最鍾意嘅刺身。
岩手縣赤崎真蠔
上面係紫洋蔥醬，海水味相對法國蠔較重，最初鹹鹹地，食到最後就覺得好鮮甜。
熟食
燒芝麻河豚白子，加上烏魚子粉，燒一燒更香，充滿鹹香，入面好似燉奶咁滑，外面有層衣。
壽司
深海池魚
食落滑得黎又比較爽身。
金目鯛
上面有梅醬，食落少少酸酸地，幾開胃。
赤貝
食落好脆好爽口。
新鮮帶子
食落好鮮甜好好食。
昆布漬小白蝦
昆布醃完會再黏身少少。
梳子魚
當造，上面加左三星漬，係日本青椒籽同日本白瓜。
池魚
係細條啲嘅池魚，味道相對濃郁啲，所以上面放左蔥整嘅醬料，平衡返味道。
海膽
香脆嘅紫菜包住大量鮮甜嘅海膽，正。
日本群翅清湯
平時食Omakase好多時都係飲白身魚湯，呢到飲日本嘅魚翅湯就比較特別。
日本赤肉蜜瓜
赤肉蜜瓜清甜不在話下，仲要爽身。
雪糕
有得揀要開心果味，正，食落creamy濃郁，仲食到啲開心果碎。
呢間餐廳有海景睇，環境靚，另外值得一讚嘅係無論係師傅定係店員嘅態度都好好，令人會想下次再黎。
Post
