Video
Read full review
2024-10-20
829 views
🦆 只Duck有你鴨肉六道菜二人餐（$688 / for 2)🍽️ 油封慢煮嫩鴨胸｜玫瑰露｜香芒酸辣莎莎第一道頭盤已經好有驚喜，因為有用上玫瑰露，未食已經聞到好香；鴨胸用左油封慢煮方式烹調，食落口肉質酥軟，加上芒果、蕃茄粒，黑醋同溫泉蛋，整體味道好清新亦好開胃🥗 布拉達水牛芝士｜原種蕃茄麵包沙律水牛芝士配上青提子，果仁、唔同種類嘅蕃茄同麵包粒，同第一道莎莎係兩種唔同風味；水牛芝士好滑，青提子好甜，蕃茄酸酸甜甜，麵包粒好脆之餘蒜香味好重，幾種食材放埋一齊好夾🥄 鴨湯鮮蟹肉素翅羹素翅羹好足料，入面有蟹肉、素翅、洋蔥，紅蘿蔔同黑木耳，鮮味重而不鹹，而且湯羹嘅稀稠度適中🍅 經典意大利雜菜湯一上枱嘅時候就已經聞到好香嘅蕃茄同香草味；雜菜湯好足料，有瓜、紅蘿蔔同西芹，味道濃郁同鮮甜🍝 鴨油香蒜辣椒意大利粉｜36個月伊比利亞橡果黑毛豬火腿整道菜好惹味，蒜頭同炸蒜份量唔少，炸蒜好香口，蒜香味重但又唔會搶左黑毛豬火腿嘅味道；黑毛豬火腿係酒紅色好新鮮，食落去油脂平均，味道甘香；意粉煮得啱啱好，好彈牙🧇 12小時慢煮油封鴨腿｜煎鴨蛋｜烤鹹窩夫配杏脯酸梅醬鴨腿用油封慢煮嘅方式烹調，皮脆肉嫩，齒頰留香；鴨蛋蛋香味
🍽️ 油封慢煮嫩鴨胸｜玫瑰露｜香芒酸辣莎莎
第一道頭盤已經好有驚喜，因為有用上玫瑰露，未食已經聞到好香；鴨胸用左油封慢煮方式烹調，食落口肉質酥軟，加上芒果、蕃茄粒，黑醋同溫泉蛋，整體味道好清新亦好開胃
🥗 布拉達水牛芝士｜原種蕃茄麵包沙律
水牛芝士配上青提子，果仁、唔同種類嘅蕃茄同麵包粒，同第一道莎莎係兩種唔同風味；水牛芝士好滑，青提子好甜，蕃茄酸酸甜甜，麵包粒好脆之餘蒜香味好重，幾種食材放埋一齊好夾
🥄 鴨湯鮮蟹肉素翅羹
素翅羹好足料，入面有蟹肉、素翅、洋蔥，紅蘿蔔同黑木耳，鮮味重而不鹹，而且湯羹嘅稀稠度適中
🍅 經典意大利雜菜湯
一上枱嘅時候就已經聞到好香嘅蕃茄同香草味；雜菜湯好足料，有瓜、紅蘿蔔同西芹，味道濃郁同鮮甜
🍝 鴨油香蒜辣椒意大利粉｜36個月伊比利亞橡果黑毛豬火腿
整道菜好惹味，蒜頭同炸蒜份量唔少，炸蒜好香口，蒜香味重但又唔會搶左黑毛豬火腿嘅味道；黑毛豬火腿係酒紅色好新鮮，食落去油脂平均，味道甘香；意粉煮得啱啱好，好彈牙
🧇 12小時慢煮油封鴨腿｜煎鴨蛋｜烤鹹窩夫配杏脯酸梅醬
鴨腿用油封慢煮嘅方式烹調，皮脆肉嫩，齒頰留香；鴨蛋蛋香味濃；窩夫好香，同埋係即叫即整嘅緣故，外脆內軟，三者配上酸酸甜甜嘅杏脯酸梅醬，味道有多種層次；另外佢亦配上蘋果蓉，蘋果蓉配埋鴨腿一齊食，消除油膩之餘同鴨腿嘅味道好夾，同配杏脯酸梅醬係兩種截然不同嘅風味；呢道菜有蘆筍，如果蘆筍再嫩身少少就更好
🥧 半熟乳酪芝士酥皮撻
乳酪芝士撻上枱嘅時候熱辣辣，流心程度好高，乳酪味同芝士味平衡得啱啱好，撻皮用左牛油皮，好香牛油味亦好鬆化，作為飯後甜品嚟講食落唔膩
🍴 手造提拉米蘇
提拉米蘇用左生雞蛋打成，滑到係入口即化，佢個手指餅乾底浸過咖啡，咖啡味好重，口感偏濕，如果餅底乾少少就更好
🎸 餐廳主打懷舊設計，仲有live band，客人生日的話Band隊仲會即場唱首生日歌送俾壽星仔女
✨晚餐食物嘅供應時間去到凌晨一點，以後想同朋友食宵夜又可以多個選擇
油封慢煮嫩鴨胸｜玫瑰露｜香芒酸辣莎莎
9 views
0 likes
0 comments
布拉達水牛芝士｜原種蕃茄麵包沙律
10 views
0 likes
0 comments
鴨湯鮮蟹肉素翅羹
7 views
0 likes
0 comments
經典意大利雜菜湯
20 views
0 likes
0 comments
鴨油香蒜辣椒意大利粉｜36個月伊比利亞橡果黑毛豬火腿
39 views
0 likes
0 comments
12小時慢煮油封鴨腿｜煎鴨蛋｜烤鹹窩夫配杏脯酸梅醬
10 views
0 likes
0 comments
半熟乳酪芝士酥皮撻
4 views
0 likes
0 comments
手造提拉米蘇
11 views
0 likes
0 comments
Post
