鰻工房

Open Now

Now Closed

朋友知我鍾意食鰻魚，推介我去咗尖沙咀呢間鰻魚專門店，果然冇介紹錯！見到期間限定嘅沙羅鰻蛇丼，好奇之下即刻叫嚟試下。呢個特大size嘅丼飯真係夠晒霸氣，條鰻魚仲大過盒飯，要另外再搵隻碟裝住，兩個人分都夠食有餘。鰻魚身好厚，而且肉質比平時嘅鰻魚更加肥美，值得一讚嘅係餐廳燒得恰到好處，令鰻魚邊有少少焦香，絕對值得一試。驚我哋未夠飽，餐廳仲喺鰻魚下面仲鋪滿咗厚厚嘅玉子燒，食落去熱辣辣又甜甜地，同魚肉相得益彰，食到好滿足。未知佢咁有份量之前，我哋仲叫咗個鰻魚滑蛋丼套餐，套餐有前菜、鰻魚乾白貝湯同溫泉蛋。滑蛋丼加咗冬菇，令口感更加豐富。白飯亦都加咗枝豆同埋紫菜，成個餐嘅用料都好講究，而且非常豐富。最特別嘅係，餐廳提供二食，食到咁上下可以叫侍應加昆布高湯，混合芝麻同埋紫菜變成茶漬飯，性價比再大大提高。