T.Co (加拿分道)

Open Now

Now Closed

今日去尖沙咀食完晚飯，經過見到呢間新開嘅烤卷店，有好多人喺度排隊，好奇入去睇吓，見到佢啲烤卷都幾吸引，而且係即點即整。🌮滋味牛肉烤卷 有牛肉、洋蔥🧅、蒜蓉醬同芝士🧀製作而成，牛肉切到細細粒，份量都幾多，牛肉口感彈牙而且好夠鹹香，成個卷餅食落好惹味又飽肚。🌮香嫩雞肉烤卷呢個係用香辣醬、蕃茄🍅、青瓜🥒同雞肉製作而成，食落去口感清爽，雞肉幾嫩滑。🍱滋味牛肉飯飯嘅口感軟硬適中，加埋上面啲醬，食落更滋味。旁邊仲有啲蕃茄🍅、切到好幼細嘅洋蔥絲同青瓜🥒絲。牛肉方面，口感彈牙而且好夠鹹香，帶少少微辣，一啖飯一啖餸 食落真係好滿足😌。🥤見到咖啡買一送一，點咗杯凍美式咖啡同凍拿鐵咖啡，大大杯幾抵飲。