Video
Read full review
2023-04-27
775 views
尖沙咀·千錘百鍊滋潤火鍋云 手工火鍋店 📍尖沙咀加連威老道20號瑞生尖沙咀酒店3樓➰好歌推介「深知你最愛是嘲笑我，我也未會暗藏厭惡 自信我引你笑不停，這也なんか大丈夫」.#趣緻的響鈴 #Serrini➰古語有云 : 打邊爐最緊要係個爐 ?! 計我話，打邊爐嘅靈魂當然係湯底至啱，啱啱依兩日天氣乍暖還寒，想打爐的心癮又發作，就相約咗朋友去滾番兩滾。.今次依間餐廳位於尖沙咀站約5分鐘路程，鄰近The One，地點方便，而且餐廳位於酒店之中，由入門已經可以睇得出走時尚復古設計，將舊時香港路牌燈牌鐵路站名屋邨景色以嶄新手法呈現，基本上已經可以當作一個打卡景點，十分趣緻。➰火鍋湯底✥火焰三椰雞煲 💲328 ⭐️4.3/5⭐️今日揀咗依款三椰雞煲湯底，比預期更有驚喜，侍應先將雞件落鍋，再倒酒然後點火將雞件炒香，再先後倒入原個椰皇﹑椰青水及高湯，待湯底煲滾後，店員再上前幫我地隔去雞油，不得不讚賞店員非常熱心，前後主動多次幫我地隔油，又幫我地加湯，十分貼心。.整個湯底嘅熬製工序可謂令人眼花撩亂，又同時賞心悅目，終於大功告成，不得不讚賞湯頭實在非常清甜滋潤，暖心暖胃，好高水準，連雞件亦有煮得帶得椰青甜味，我
云 手工火鍋店
📍尖沙咀加連威老道20號瑞生尖沙咀酒店3樓
➰好歌推介
「深知你最愛是嘲笑我，我也未會暗藏厭惡
自信我引你笑不停，這也なんか大丈夫」
.
#趣緻的響鈴 #Serrini
➰
古語有云 : 打邊爐最緊要係個爐 ?!
計我話，打邊爐嘅靈魂當然係湯底至啱，啱啱依兩日天氣乍暖還寒，想打爐的心癮又發作，就相約咗朋友去滾番兩滾。
.
今次依間餐廳位於尖沙咀站約5分鐘路程，鄰近The One，地點方便，而且餐廳位於酒店之中，由入門已經可以睇得出走時尚復古設計，將舊時香港路牌燈牌鐵路站名屋邨景色以嶄新手法呈現，基本上已經可以當作一個打卡景點，十分趣緻。
➰火鍋湯底
✥火焰三椰雞煲 💲328 ⭐️4.3/5⭐️
今日揀咗依款三椰雞煲湯底，比預期更有驚喜，侍應先將雞件落鍋，再倒酒然後點火將雞件炒香，再先後倒入原個椰皇﹑椰青水及高湯，待湯底煲滾後，店員再上前幫我地隔去雞油，不得不讚賞店員非常熱心，前後主動多次幫我地隔油，又幫我地加湯，十分貼心。
.
整個湯底嘅熬製工序可謂令人眼花撩亂，又同時賞心悅目，終於大功告成，不得不讚賞湯頭實在非常清甜滋潤，暖心暖胃，好高水準，連雞件亦有煮得帶得椰青甜味，我同朋友前後足足每人飲咗三碗，非常滿足。
火焰三椰雞煲
9 views
0 likes
0 comments
.
➰飲品
𖥕Summer Beer 💲58 ⭐️4.1/5⭐️
𖥕Suntory The Premium Malt’s 💲78 ⭐️4.1/5⭐️
打邊爐當然少不免要暢飲，朋友揀左杯十分可愛打卡造形嘅熊仔Cocktail，用蝶豆花調色整成冰模熊仔，整體以Lemonade為主加上Rum酒，容易入口，好適合女仔飲。
.
我就揀咗Suntory Premium，打邊爐都係飲啤酒較為盡興，呼出嘆息快樂懶說明。
.
Summer Beer
13 views
0 likes
0 comments
➰火鍋配料
❀牛舌芯 💲168⭐️4.1/5⭐️
份量豐富，稍稍灼熟已經可以，入口爽彈有口感，推薦。
牛舌芯
7 views
0 likes
0 comments
.
❀秘製蝴蝶腩 💲128⭐️4.1/5⭐️
豬蝴蝶腩係火鍋料中比較少見，並唔係內臟，而係包圍著豬肺嘅一層連肉住同筋膜嘅部位，帶入膠質，入口爽軟不硬。
.
❀炸午餐肉 💲68⭐️4.1/5⭐️
筆者已經唔記得由邊一次打邊爐開始有朋友會叫炸午餐肉，本身都認為味道唔夾，但試完發現都非常滋味，脆炸午餐肉十分香口，用湯底再浸淋一下午餐肉，係香脆同軟淋之間搵到平衝點，好過癮。
炸午餐肉
5 views
0 likes
0 comments
.
❀自家製響鈴 💲68⭐️4.1/5⭐️
餐廳響鈴即叫即炸，上枱仲冒住熱氣，十分新鮮，「脆緻」的響鈴當然係立即落火鍋湯底3秒然後迅速撈起入口，吸收哂湯底嘅精華，非常滿足。
自家製響鈴
12 views
0 likes
0 comments
❀黑松露芝心蝦丸(半份) 💲68⭐️4.2/5⭐️
❀香煎鵝肝墨魚丸(半份) 💲68⭐️4.2/5⭐️
兩份丸類半份各4粒，兩個人食啱啱好，餐廳嘅丸類粒粒形狀稍有差異，睇得出都係自家手打，黑松露流心芝士配搭爽口蝦丸好惹味，而墨魚丸亦爽口彈牙，兩款水準都非常唔錯。
秘製蝴蝶腩
4 views
0 likes
0 comments
➰總結
餐廳對火鍋湯底落足心機，再次要讚賞湯頭十分出色，由頭到尾都滋潤清甜，店員亦好熱心幫忙隔油及加湯，火鍋材料方面好多即製手工食材，都值得一試，見到餐廳仲有魚缸保持海鮮刺身等食材新鮮，而且裝潢方面都有唔少打卡元素，推薦比一眾火鍋發燒友試試。
.
➿➿➿
#云手工火鍋店
#尖沙咀美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#火焰三椰雞煲 #牛舌芯 #自家製響鈴
#黑松露芝心蝦丸 #香煎鵝肝墨魚丸
.
➿
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
Post
