新籽田會館 (Closed)

餐廳雖然位於尖沙咀，但佐敦D出口行5分鐘就到，都算方便！餐廳主打淮揚美食，以私房菜既形式，做菜需時，所以黎之前最好預訂菜式同位置！ 環境古色古香，座位不多，大堂3張大台，另外仲有2間Vip房，岩晒家庭聚會！因為要幫屋企人搞生日，所以同大佬今日黎試下菜式，順便自肥一下！😬😬 - 開胃菜 -⦁桂花糯米藕用糯米釀入蓮藕孔中，食落仲有淡淡的桂花香。 ⦁油燜香笋香笋鮮嫩爽口，食落又唔算好油！ - 熱菜 -⦁揚州古法獅子頭以盅計算，每盅都有一隻可愛石獅子裝住，外形好加分。而且入口軟綿，肉汁飽滿。👍🏻 ⦁杭州東坡肉東坡肉非常入味，脂肪同肉一層夾一層，入口十分甘香配埋刈包，口感一D都唔肥膩 ⦁糖醋松鼠桂花魚顏色鮮艷入口酸酸甜甜，雖然係油炸但食落一啲都唔油，粉漿唔厚，食落口外皮脆魚嫩滑 ⦁揚州大煮干絲用上金華火腿、豆苗、肉絲、筍絲等，用料十足 - 甜品 -⦁紅豆沙紅豆🫘都多，質地濃稠，唔會太甜。最後食埋尼個甜品，十分完滿。