Video
Read full review
2013-05-20
24 views
晚餐時段去開 iSquare '搵食'時都會見到Baby Cafe 有十零廿人响門口等位, 一直都有興趣嚟試吓, 因為其實睇過好多Openrice食評都話呢度唔係純粹"虛有其表", 碟頭略細是預期之內的了; 但好多食評都有寫其出品同招呼唔錯, 隨緣啦~今日下午茶時段嚟開呢區, 我和親友一行幾人, 即管睇吓有無位先, 閒日下午時段OK喎, 安排我哋坐响樣似'鳥籠的座位, 幾特別呀, 而且係梳化椅都幾舒服! 我哋分別叫咗幾客下午茶餐, 不同款式不同價錢, 大概都係四十幾至六十幾元之間. 我叫的是拿破崙跟草莓雪糕, $48元連一杯咖啡或茶, 加一即係五十多元, 貴嗎? 唔係去快餐店同茶餐廳, 係咁上下價錢了。。。算可接受呢! 我的拿破崙, 吉士cream幾易入口, 唔太甜, 但可惜最重要的外皮造得太薄了, 脆是夠脆, 但無咩層次感, 不是我喜歡的拿破崙, 雪糕似乎是H記的, OK就是了! 整體都是'尚可'. 一直以來, 如果同親友出外用餐我係唔會碟碟都影、'相機食先'...因為都要顧及有啲人唔喜歡咁嘅, 所以親友的"心太軟"沒影相, 朱古力有流心但蛋糕唔夠香, 某某話: 咁喎!
今日下午茶時段嚟開呢區, 我和親友一行幾人, 即管睇吓有無位先, 閒日下午時段OK喎, 安排我哋坐响樣似'鳥籠的座位, 幾特別呀, 而且係梳化椅都幾舒服!
我哋分別叫咗幾客下午茶餐, 不同款式不同價錢, 大概都係四十幾至六十幾元之間. 我叫的是拿破崙跟草莓雪糕, $48元連一杯咖啡或茶, 加一即係五十多元, 貴嗎? 唔係去快餐店同茶餐廳, 係咁上下價錢了。。。算可接受呢! 我的拿破崙, 吉士cream幾易入口, 唔太甜, 但可惜最重要的外皮造得太薄了, 脆是夠脆, 但無咩層次感, 不是我喜歡的拿破崙, 雪糕似乎是H記的, OK就是了! 整體都是'尚可'. 一直以來, 如果同親友出外用餐我係唔會碟碟都影、'相機食先'...因為都要顧及有啲人唔喜歡咁嘅, 所以親友的"心太軟"沒影相, 朱古力有流心但蛋糕唔夠香, 某某話: [普普通通都尚可以啦! 杯熱咖啡就好香濃, 唔錯! ] 咁喎! 另外兩位叫了BABY九式share 好似係$98元 (個名唔係好記得係咪咁), 有不同款式的迷你mousse cake、啫喱糕、小蛋糕、餅仔、mousse 杯咁, 上枱真係好似好吸引, 但親友食過就話睇落好正, 但問佢好唔好味呀? 佢哋話: [一般喎 ] 問佢哋有邊款特別好味, 佢哋就話杯芒果MOUSSE最香, 其他都係一啖一口無咩印象...我就有少少流口水, 因為咁多款'晒冷'放响面前又真係好吸引o架o麻...總括而言, 食物都係presentation 做得唔錯, 但唔會有咩覺得: [嘩~好好味, 下次要再來吃這個、或吃那個...] 咁囉...
招呼我哋呢個範圍嘅侍應係後生仔, 態度唔錯亦有求必應, 要水有水要柯打即埋位, OK, Good! 如果純粹以下午茶餐來看。。。如果你要打發時間悠閒地坐一下午, 呢處應該幾好, 環境唔嘈, 坐耐些相信都唔會有人趕你, 所以花幾十元一客下午茶係可以坐到'值回票價'的, 但我哋幾位要Shopping, '醫飽肚'就走了, 都無人嫌貴, 即係pass 啦!
Post
