Video
Read full review
2014-07-03
1819 views
是日休假, 請舅舅中午飲啖茶食個包, 佢提議去這間小店因店新無咩人易搵位, 好, 我無異議, Let's go, Go Go Go~~~!唔駛搵位, 可能剛過繁忙時間, 一點九大概只得三四枱客, 坐得舒服, 招呼唔錯, 有笑容, 叫攞辣醬無扮睇唔見, 亦會自動加水, 幾好! 我哋兩位只點咗六個點心, 可能舅舅唔想我太破費, 一坐低就話十點幾至食早餐唔係太餓要我唔好預太多, OK, "係咁意"剔幾個啦! 陳皮牛肉球一般, 可能係陳皮貴又唔係人人鍾意個味所以唔濃味, 而呢粒牛肉球攞唔到個平衡, 所以算把啦! 石鍋叉燒包做得聰明起碼實夠熱而個餡味道唔錯, 是這幾款點心中最好食的; 腸粉唔係我杯茶, 因為我唔太好所謂"皮薄餡靚"的這種而偏偏喜歡舊茶樓厚厚粉皮那種做法, 所以我唔評了; 珍珠雞味道唔錯, 蒸得幾香; 蘿蔔絲酥都唔錯, 皮香又唔會好鬆散, 個餡味道剛好又唔太水; 紅棗糕好食, 好香而軟硬度剛好! 和舅舅偷得浮生半日閒飲吓茶, 真係寫意, 唔覺唔覺兩點幾亦無趕客, 當然我哋兩點半都差不多閃喇! 大家合作, 幾好呀~ 下次再嚟過! 總括而言, 來拍板飲茶, 要預了點心種類唔
是日休假, 請舅舅中午飲啖茶食個包, 佢提議去這間小店因店新無咩人易搵位, 好, 我無異議, Let's go, Go Go Go~~~!唔駛搵位, 可能剛過繁忙時間, 一點九大概只得三四枱客, 坐得舒服, 招呼唔錯, 有笑容, 叫攞辣醬無扮睇唔見, 亦會自動加水, 幾好! 我哋兩位只點咗六個點心, 可能舅舅唔想我太破費, 一坐低就話十點幾至食早餐唔係太餓要我唔好預太多, OK, "係咁意"剔幾個啦!
陳皮牛肉球一般, 可能係陳皮貴又唔係人人鍾意個味所以唔濃味, 而呢粒牛肉球攞唔到個平衡, 所以算把啦! 石鍋叉燒包做得聰明起碼實夠熱而個餡味道唔錯, 是這幾款點心中最好食的; 腸粉唔係我杯茶, 因為我唔太好所謂"皮薄餡靚"的這種而偏偏喜歡舊茶樓厚厚粉皮那種做法, 所以我唔評了; 珍珠雞味道唔錯, 蒸得幾香; 蘿蔔絲酥都唔錯, 皮香又唔會好鬆散, 個餡味道剛好又唔太水; 紅棗糕好食, 好香而軟硬度剛好!
和舅舅偷得浮生半日閒飲吓茶, 真係寫意, 唔覺唔覺兩點幾亦無趕客, 當然我哋兩點半都差不多閃喇! 大家合作, 幾好呀~ 下次再嚟過!
[題外話係: 上次去隔離順德食店食魚飯, 嘩, 一到兩點零即刻打幾桶有勁味1比99的水出嚟拖地都算! 保持衛生係好正確---之但係我哋其實同今日一樣都係1點45分至入嚟, 佢照招呼我哋仲開茶照落單, 無為意佢有無做下午茶有無落場時間, 咁我哋啱啱至放低筷子啫駛唔駛咁絕?! 隔離兩枱(有一枱仲遲過我哋入座), 當然係未食完就話佢離譜啦 --- 哼------都未算!! 跟手一拖完地仲熄半場燈添, 都費事啋你!!! 哈哈...大佬呀, 唔係咁做生意呀? 一入門口時你應該講明: "本店就嚟落場, 麻煩各位想幫趁的話就要30分鐘內埋單走人!!!!!" 咁我哋可以選擇照响度"速食"/又或者改去其他店呢! 啱唔啱先?!]
總括而言, 來拍板飲茶, 要預了點心種類唔多, 價錢一般, 味道及招呼尚好, 地點方便, 這小館是可以再來的. (此為舊食評因積存太多未寫, 逐份補寫...)
Post
