尚盛潮州海鮮飯店

重遊舊地😌約咗舊同事食飯，揀咗公司樓下嘅潮州菜「尚盛潮州海鮮飯店」，星期五晚黎到全場爆滿座無虛席，同事話原來呢間就係上環老字號「尚興」，難怪咁受歡迎啦🤭望一望個餐牌，以中環呢個地段價錢黎計認真抵食👍🏻店家除咗潮州滷水同小菜外，仲有魚翅、海鮮、潮式粉麵同甜品，今次試咗店家嘅幾款招牌菜先🙌🏻潮州滷水鵝滷水鵝係店家嘅招牌菜，必點！例牌嘅份量已經整整一大碟鵝肉，滷水味道香醇，滷香味濃，同時亦保留鵝片本身嘅鮮味，絕對係一道考功夫嘅菜色，鵝肉肉質結實而不柴，啖啖肉👍🏻底下墊底嘅豆腐亦都夠晒入味，中間口感嫩滑，兩者一樣出色😋潮州小炒試新野🤭大概就係潮式小炒皇咁樣，用多種食材翻炒，有魷魚、豬肉、海蜇、青椒、芽菜、紅蘿蔔、唐芹，口感非常豐富，爽脆清新鮮嫩，特別喜歡濃稠嘅芡汁，配搭米飯一流👍🏻沙茶牛肉香濃嘅沙茶醬配上鮮嫩嘅牛肉片，肉質軟腍份量足，底下嘅芥蘭碧綠爽脆，亦係一道非常下飯嘅菜式蠔仔粥我地嗌咗一鍋蠔仔粥，每人大概分到三碗😆每粒蠔仔都脹卜卜，新鮮肥美，加入方魚同肉碎令湯底更加鮮味，鍾意食蠔嘅一定要試下😋綠豆爽食完仲有糖水送👍🏻綠豆已經煲到綿密起沙，美味又滿足嘅一餐😋📍尚盛潮州海鮮飯店 (中環)中環德