新慶粥店

Open Now

Now Closed

平時我都好鍾意去不同粥店，發掘下不同粥店，可以睇吓佢哋有咩唔同，而今次去呢間粥店好特別！佢哋裝修睇得出係有好耐歷史，呢個唔係重點，而係亦都睇得出佢哋好耐冇清潔，甚至喺呢度住，應該係前舖後居。👌🏻正因為咁，覺得呢度環境好特別，好似入侵左別人屋企，參觀別人屋企嘅感覺，雖然有啲似亂葬崗，但係同時亦都有一種好真實嘅感覺，一種不修邊幅的感覺🤣🤣👍🏻👍🏻👍🏻食物來講我覺得一般般，叫咗一個炸兩，一個炒河粉。炸兩中等，唔算脆卜卜，同時亦都唔會林啤啤。而最值得一題就係佢哋嘅炒河粉，完全唔係一般粥譜嗰種豉油王味道，佢炒出一種泰式嘅感覺，有少少似日式醬料，但有少少辣辣地，不禁令我諗，究竟係佢求其用不同醬料，隨心而做，定係佢一直都係咁做呢？因為真係未食過香港粥店會做出呢種味道。