Video
Read full review
2020-07-10
917 views
聽講住聯和墟既人未食過都聽過呢道個名二十年前我仲住喺粉嶺 佢已經存在唔係大集團同連鎖經營真係估唔到可以生存至今 問問員工開業接近四十年了門面同以前一樣 應該話由我有印象起 佢既外觀就冇變過所以有時真係食回懷既味道到嗰陣其實已經full house勁就勁在 咁多年 就算疫情嚴重 都係好多人幫襯裝修好似都冇變過 可能係老闆都係念舊既人個人比較少見叉刀就咁放枱 冇紙或者紙巾放底枱面有枝茄汁同美極 果然傳統港式西餐( ´▽｀) 又名豉油西餐( ´▽｀)咁黎到食晚餐就當然嗌扒餐 不過唔係跟飯姐先到既係包同湯 我見人地枱係蒜蓉包但我地枱係嘉頓餐包 唔知點解有分別但其實我都中意食嘉頓餐包就無所謂啦( ´▽｀)湯有三款可揀 周打魚 蘑菇 羅宋我揀咗周打魚 有兩塊梳打餅浸住um⋯⋯可以鹹啲 個湯好濃郁 但味道有啲淡我個人會推薦羅宋多啲 起碼工夫多啲 ( ´▽｀) 煲既時間都理應長啲先黎既係我叫既黑毛豬扒 揀左蒜蓉汁配薯菜注意全隻碟直徑同隻叉差唔多真係第一次食百幾蚊塊扒咁大塊。。。。扒最遠距離一定有超過15cm黑毛豬好鬆軟 唔知係落左好多鬆肉粉定揼左好耐唔需要好比力咬 所以都冇好多肉殘留喺牙縫肥同肉既比例
二十年前我仲住喺粉嶺 佢已經存在
唔係大集團同連鎖經營
真係估唔到可以生存至今 問問員工
開業接近四十年了
門面同以前一樣
應該話由我有印象起 佢既外觀就冇變過
所以有時真係食回懷既味道
到嗰陣其實已經full house
勁就勁在 咁多年 就算疫情嚴重 都係好多人幫襯
裝修好似都冇變過 可能係老闆都係念舊既人
個人比較少見叉刀就咁放枱 冇紙或者紙巾放底
枱面有枝茄汁同美極
果然傳統港式西餐( ´▽｀) 又名豉油西餐( ´▽｀)
咁黎到食晚餐就當然嗌扒餐 不過唔係跟飯姐
先到既係包同湯 我見人地枱係蒜蓉包
但我地枱係嘉頓餐包 唔知點解有分別
但其實我都中意食嘉頓餐包就無所謂啦( ´▽｀)
湯有三款可揀 周打魚 蘑菇 羅宋
我揀咗周打魚 有兩塊梳打餅浸住
um⋯⋯可以鹹啲 個湯好濃郁 但味道有啲淡
我個人會推薦羅宋多啲
起碼工夫多啲 ( ´▽｀) 煲既時間都理應長啲
黑毛豬扒
$145
29 views
0 likes
0 comments
先黎既係我叫既黑毛豬扒 揀左蒜蓉汁配薯菜
注意全隻碟直徑同隻叉差唔多
真係第一次食百幾蚊塊扒咁大塊。。。。
扒最遠距離一定有超過15cm
黑毛豬好鬆軟 唔知係落左好多鬆肉粉定揼左好耐
唔需要好比力咬 所以都冇好多肉殘留喺牙縫
肥同肉既比例都唔錯
唔會咬落全部脂肪或者全部肉冇啲油份
不過味道唔算好香 跟返個汁就似樣啦
薯菜冇乜特別 薯條好似係走左鹽
安份咁做返配菜既角色 所以都係夾既
美國安格斯肉眼扒
$215
15 views
0 likes
0 comments
另一份係肉眼
都係自己淋汁
黑椒汁味比蒜蓉汁濃得多香得多 帶小小辣
單計個汁黑椒汁勝( ´▽｀)
配菜都係一樣既
主角既肉眼都係好大塊 真係仲大塊過茶記。。。
少見嗌七成真係比七成 多數都會偏生少少
但煎得都好均勻 全塊都冇話特別咩位熟啲生啲
最後再叫左野飲
甜品跟埋野飲都上埋
咖啡少見地係跟花奶 唔太識咖啡 但我覺得都夾既
甜品用鋼兜裝 又係懷舊嘅味道呀( ´▽｀)
都冇諗過甜品係黑加侖子啫喱
味道冇乜特別 大大碗
真係成個份量都好驚人 誇張。。。
以呢個價錢黎講都其實真係抵
整體黎講 佢唔算超級平 但份量真係值回票價
拋開價錢 作為殖民地時期至今既店舖
都有值得一去既價值既
Post
