漢和韓國料理 (Closed)

曾幾何時，韓國燒烤開到成行成市，什麼漢陽苑呀漢和等分店多到梗有一間喺你左右咁滯，但隨住日式燒肉料理竄紅，加上韓燒無論食物定服務質素參差，慢慢地漢字輩既餐廳買少見少。想食燒肉既話，一般會去牛肉種類多啲同靚啲既日式燒肉店，就算而家食韓式燒肉，都考慮到高幾班既韓國餐廳。不過琴晚放工同老公忽然興起想韓燒一番，於是決定到旺角銀城樓上既漢和開餐。去到餐廳，近攞食物既位置已full，所以我地被安排到另一邊既二人卡座，雖然遠左啲，但起碼唔駛搭枱。食物款式唔算好多，大致分為韓式前菜(大概9小碟)﹑熱葷(煎炸野3﹑4款，煮既海鮮2﹑3款，豬腳薑﹑炒飯﹑炒粉絲等)﹑湯兩款﹑簡單壽司3﹑4款﹑大路燒烤生料(雞﹑牛﹑羊﹑豬﹑海鮮﹑蔬菜)﹑甜品(啫喱﹑雪糕﹑生果)。豆漿﹑酸梅湯任飲。食物質素一般，未至於好有驚喜，熱葷中既白灼蝦唔係霉蝦，尚有少少蝦味及彈牙。燒烤食物調味夠，但冇話特別好味，味道大路。唯一驚喜是這裡有我至愛吃既五花腩/三層肉，雖然係薄片，但燒耐啲冇哂肥油後，嗰種邊脆甘香既滋味，真係正到令人忘了五花腩有幾肥呀！又有生菜可包著同吃，如有韓式辣醬更佳！可惜既係這裡沒有未醃既牛肋骨，不能吃出牛既真味。一如以往