二鍋頭 (嘉芙中心)

Open Now

Now Closed

一班人聚舊最驟忌講講下野比人趕，老友醒水揀咗呢間做緊限時優惠無限時，兼食多好多款牛，包括每位M6澳洲和牛一客。除咗澳洲和牛，仲有美國和牛、牛小排、牛頸脊、海蝦都好正，有肉汁又夠軟淋，蝦都算大隻新鮮所以幾爽口。仲有抵在火鍋前有3種唔同嘅煲可以任食，挑戰人類極限！雞煲有辣度又有份量選擇，個醬真係無得輸，勁正！熟蔥蒜勁香！火焰鴛鴦鴨煲上檯好有氣勢，炒、淋酒、點火、香味撲鼻！酒味令鴨肉更香更juicy，而且都幾有觀賞性。火鍋料裡面最特別係泡菜餃，其他丸類菜類多到講唔哂，而且環境都幾整潔。最後食埋外表一般但非一般美味嘅雪糕，大家滿足散隊。