香宮

Open Now

Now Closed

母親大人牛一，咁就梗係要食好啲~揀左香宮試下，睇下米芝蓮2星究竟係咪真係咁好食~一黎到就上左個燒鱔先，細細碟，肉厚爽口彈牙，外皮脆脆，配埋蜜糖既香甜，冇得彈!之後上第2味，一鴨2食~片皮鴨皮香脆，冇多餘既脂肪，有時見到皮下面一大舊白色肥膏真係好趕客，依間完全冇依個問題，包埋其他配料食好食鴨肉粒炒沙葛，2者味道好夾，包埋生菜食不油膩，清清地咁幾好食但上菜好慢，1個鐘先食得個鱔同鴨~之後跟服務員反映過先陸陸續續上其他菜~蒜香爆班塊，幾香口，魚肉都好滑，但係個魚幾咸下，麻麻地 食咁多肉都要食多啲菜，所以叫左個素食~竹笙露筍卷，我個人都食得算淡口，但依個係淡到冇味，我都唔知自己食緊咩，仲有拌菜果幾粒紅蘿蔔，酸既，點解會係酸既？！ 勁失望雜菜海鮮粉絲煲，個湯底有蝦乾乾瑤柱既香味，粉絲同菜都好食，反而上面啲鮑魚淡口冇味，唔鮮甜龍蝦濃湯泡飯，好濃好濃好濃，湯濃到有啲苦味，但佢啲脆米好食，一般送既小食，母親大人欣賞佢啲中式餅~話皮好脆好酥好鬆化~再另外叫左甜品~桃膠桂花燉原個雪梨，幾清香，都ok哈密瓜杏仁豆腐， 杏仁豆腐質感略為硬身，杏仁味唔夠濃，有待進步仲有一個薑汁撞3.6牛乳，薑味夠濃，但係個質地