Video
Read full review
2010-01-08
尋晚又約左3個朋友仔食飯，原本試新樓上cafe，點知星期初打電話已經full booking，跟住諗住呢兩日會凍，所以建議食火鍋 ( 抱歉我實在係火鍋怪 )，因為好少出旺角會揀火鍋，所以搜尋後覺得好似都ok喎~~問實朋友仔後就試下呢間。7:30$158/位，我地叫左兩set 和牛、1set黑豚同1set海鮮，湯底係沙嗲湯 ( 個鍋面會有塊鐵板仔用黎鐵板燒~~I like it )。和牛︰有牛舌、牛粒、和牛片同牛脊(好似)，都好好味，脂肪分佈均勻，係牛粒有個別會多少少肥膏，一人份量計都算合理 黑豚︰有切條豬扒、日本黑豚同澳洲(好似係)黑豚肉、豬爽肉?(我估應該係豬頸肉)，薄薄地好好味，原本以為豬扒燒完會乾同柴皮，但又唔會喎~~幾多肉汁下，不過最衰冇芝麻醬啦~~如果唔係配埋應該更好味 海鮮︰有兩隻蝦、3件魚(應該係星斑)、2隻蜆、2隻帶子(都幾大隻吓)、不過我地掛住鐵板燒，所以有少少忽略左佢地，不過d蝦都幾好味，我地滾左好耐好好好味，其他都ok新鮮~~帶子︰散叫要俾錢試，話係日本貨見佢寫住$55，反正我地有4個人，叫左一客，黎到都有6件，都好大件，連埋海鮮盤總共有8件，一人兩件~~goo
7:30$158/位，我地叫左兩set 和牛、1set黑豚同1set海鮮，湯底係沙嗲湯 ( 個鍋面會有塊鐵板仔用黎鐵板燒~~I like it )。
和牛︰有牛舌、牛粒、和牛片同牛脊(好似)，都好好味，脂肪分佈均勻，係牛粒有個別會多少少肥膏，一人份量計都算合理
黑豚︰有切條豬扒、日本黑豚同澳洲(好似係)黑豚肉、豬爽肉?(我估應該係豬頸肉)，薄薄地好好味，原本以為豬扒燒完會乾同柴皮，但又唔會喎~~幾多肉汁下，不過最衰冇芝麻醬啦~~如果唔係配埋應該更好味
海鮮︰有兩隻蝦、3件魚(應該係星斑)、2隻蜆、2隻帶子(都幾大隻吓)、不過我地掛住鐵板燒，所以有少少忽略左佢地，不過d蝦都幾好味，我地滾左好耐好好好味，其他都ok新鮮~~
帶子︰散叫要俾錢試，話係日本貨見佢寫住$55，反正我地有4個人，叫左一客，黎到都有6件，都好大件，連埋海鮮盤總共有8件，一人兩件~~good~，原本試一隻放喺鐵板燒，但太厚好難熟、所以都係要滾，都好甜下，不過至驚喜係埋單見到佢收$38，賺左(懶係~)
免費食品︰都算多~~因為我唔係咩都鍾意攞黎打邊爐，不過佢提供嘅選擇我都ok~~有扇貝、象拔蚌、芝士腸、粟米、肥牛、醉雞、火腿丸、牛丸、菜、魚、蟹柳、響鈴、金菇、 魚皮、牛栢葉、魷魚、雞扒等。全部都可燒可滾，個人覺得d雞都幾滑，因為我個人好少會order雞件打邊爐，不過見佢係醉雞，所以試下，都好夠味，而最開心就係我地將扇貝擺上鐵板燒，再加上海鮮併盤墊底有粉絲，我地就攞黎舖喺扇貝面，然後再加蒜蓉，嘩~~勁正，所以我地就係咁燒左3round~~
(仲有少少熟食，不能盡錄)
醬料︰豉油、醋、桂林辣椒醬、沙嗲醬、辣椒粒、芫茜、葱粒、生蒜任你撈，不過係位位$8，所以我地攞左d蒜容加料落去燒~~實在太開心啦~~
叫餐應該每位都有兩件三文魚壽司，都ok啦~~~
飲品，免費有酸梅湯同夏枯草，尋日試酸梅湯，OK唔太酸同甜，個人口味我就啱啱好，另外走嘅時候見到啤酒、汽水寫住$12/3支，如果係就抵，下次一定會試。
不過唔知我地係咪掛住燒，所以個湯底難滾起，不過職員都好貼心，每次都主動加水，係落order就成日都見唔到我地舉手囉~~但都服務幾好~~
同埋可能掛住燒，所以我食極都唔飽，當到9點幾嘅時候，驚覺應該會俾人叫買單，就拿拿淋再攞食物一煲過，食多幾樣先~~(真係未試過食足兩個鐘都仲未停手)
總括而言，I will be back~~~
Post