老闆娘雲南米線

Open Now

Now Closed

一直都好想黎朝聖，但見食評都係話有排等， 所以一直都唔敢黎。 甘岩尋日黎開荃灣探公公婆婆，就把心一橫同老公睇下咩情況， 已經打定輸數， 諗住要排好耐就食其他。居然唔駛等！！！ 揀好食咩交單就入得去食我點左個蒙古湯米線bb辣加多2個餸。蒙古湯好香好飲， 不過叫小辣應該會再香口啲。2個餸有雜菌腐皮卷：脆卜卜超好食， 餡又足仲有個係蝦膠豆卜，彈牙又脆我老公點左個炸醬清湯米線，炸醬都好好味， 但我鐘意辣湯多啲。Overall黎講， 啲米線真係堅大碗，食到男士都話好飽。