山喬居酒屋

Open Now

Now Closed

餐廳環境除咗有bar枱設計，可以一路食一路睇住師傅處理食材，另外都有四人座位，大部份都有分隔 ，夠晒有私隱度。💚螢光魷魚漬前菜方面就要咗呢個螢光魷魚漬，雖然佢係漬物但都食到食材本身嘅鹹鮮味。💚鹽水牛舌 牛舌用簡單嘅鹽水調味，另外會配上Honey Mustard， 可以按照個人需要去調味，牛舌質地軟腍。💚三文魚壽司 油甘魚壽司 真鯛壽司 玉子壽司壽司魚生類食材新鮮，玉子超好食，玉子厚身帶甜，裏面濕潤。💚鹽燒雞翼 雞軟骨 和風茄子💚露荀豚肉串 白鱔 鶴鶉蛋去居酒屋梗係唔少得食串燒，各種串燒都唔錯，個人最推介係呢個白鱔，本身白鱔啲皮燒到脆卜卜，加上微辛嘅調味，好香口，而肉質嫩滑，好食。💚雞泡魚乾雞泡魚乾係我個人最鍾意喺居酒屋食嘅嘢，雞泡魚乾經過加熱後會好香，鹹鹹地甜甜地咁，一路傾偈一路送酒就最啱。💚茶漬飯 -明太子茶漬飯裏面有大大嚿嘅明太子，冬天食碗暖笠笠嘅茶漬飯真係暖入心。💚燒飯團 -櫻花蝦喺日本食居酒屋都會叫嘅燒飯團，佢呢度有幾款可以揀今次叫咗櫻花蝦。