Video
Read full review
2019-11-25
2548 views
一講到食「廚師發辦」（Omakase），第一印象就喺唔平，郁吓都千蚊落樓，就算無成千，$800、$900都好平常。老實講，小弟對食「廚師發辦」嘅經驗亦唔多。最近，聽食友講，晌中環和安里嘅「Nu Nu」居酒屋，晚市就加插咗「廚師發辦」，入門價亦相對平和啲，咁就腳，收工行幾步就過到嘞。其實，「Nu Nu」晌和安里呢條細街打躉已經好多年，依家喺細鋪搬大鋪，咪睇個門口窄窄咁，查實入到去都幾大，仲有廂房添。而一室裝修都以木系為主，但就唔算太多和風裝飾，算喺較平實。雖然，今次嘅目的喺嚟試試其「廚師發辦」，但都概略介紹一下佢哋基本有咩食。作為居酒屋，當然，賣嘅食物都會頗多元化，包括基本嘅前菜、沙律、炸物、煮物、刺身、壽司、燒物、卷物，仲有就喺咖喱、海鮮丼、石鍋飯、小食……等等，以及多種廚師推介。至於「廚師發辦」喺點？睇睇張餐牌先，包括先付、刺第六點、壽司六貫、季節湯品及甜品，定價$688位。上甜品前，師傅驚我哋唔夠飽，仲同場加映做多份壽司卷。此外招呼好，不時主動幫忙添上玄米茶，又留意吓我哋用餐速度，以配合上菜嘅節奏，每道菜式亦會有簡單嘅介紹。前菜三點3款前菜有 淮山漬、冰頭漬及麥粒青瓜，雖然無一般「
其實，「Nu Nu」晌和安里呢條細街打躉已經好多年，依家喺細鋪搬大鋪，咪睇個門口窄窄咁，查實入到去都幾大，仲有廂房添。而一室裝修都以木系為主，但就唔算太多和風裝飾，算喺較平實。
雖然，今次嘅目的喺嚟試試其「廚師發辦」，但都概略介紹一下佢哋基本有咩食。作為居酒屋，當然，賣嘅食物都會頗多元化，包括基本嘅前菜、沙律、炸物、煮物、刺身、壽司、燒物、卷物，仲有就喺咖喱、海鮮丼、石鍋飯、小食……等等，以及多種廚師推介。
至於「廚師發辦」喺點？睇睇張餐牌先，包括先付、刺第六點、壽司六貫、季節湯品及甜品，定價$688位。上甜品前，師傅驚我哋唔夠飽，仲同場加映做多份壽司卷。此外招呼好，不時主動幫忙添上玄米茶，又留意吓我哋用餐速度，以配合上菜嘅節奏，每道菜式亦會有簡單嘅介紹。
前菜三點3款前菜有 淮山漬、冰頭漬及麥粒青瓜，雖然無一般「廚師發辦」做得咁浮誇，但賣相都算簡單而精緻。
淮山漬啲淮山漬霎眼望埋去幾似牛蒡漬，因為都喺長形一條條，醬油漬過變得色澤深沉。入口爽爽哋咁，但就唔似牛蒡有陣陣甘味，對一般人而言，會較易入口。
冰頭漬其實，即喺三文魚頭軟骨，印度中我都喺食過、兩次咁大把，啲軟骨位搵少少醋醃漬，味道酸香，口感就好爽脆，喺叫人幾開胃嘅前菜嚟。
麥粒青瓜就好似我哋食開嘅手拍青瓜咁，啲麥粒味噌先喺亮點，鹹香嘅麥粒就咁食確喺有啲鹹，但沾少少搭落啲青瓜度，成件事可以變得好唔同。
刺第三點（一）跟住上場嘅喺刺身，平常食嚟食去多數都喺油甘、三文……之類，但今次既然喺「廚師發辦」，刺身嘅款式自然會特別少少。先上嘅3款喺日本生蠔、青羽大薄切、金目鯛，擺盤非常之靚，日本芥末更喺新鮮生葵即磨，唔喺啲平價嘅「牙膏貨」。
刺第三點（一）
4 views
0 likes
0 comments
呢款刺身小弟都喺第一次聽，初初仲以為喺鯖魚，即喺平常食鹽燒嗰啲，但一睇個樣就應該唔喺，再問先知喺「青羽」，哈哈！啲刺身已加咗少許醋汁，完全唔使再沾醬油，魚味唔算好濃，但感覺好鮮，好清爽。
金目鯛小弟唔喺咩刺身達人，所以，評刺身確喺有難度，純個人喜好而論。件金目錭用上厚切，色澤鮮紅而光亮。入口肉質細膩，味道鮮甜，油脂唔太重。
日本生蠔雖然講到食蠔啲人成日講法國蠔、美國蠔、澳洲蠔，其實，日本蠔一啲都唔輸蝕。今次呢隻都好高質，睇落肥美，師傅更切埋柱位，方便食用。咬落肉質帶爽，蠔味濃，海水味都重，所以，餘韻長，感覺十分之新鮮。
刺第三點（二）第二道嘅刺身亦隨即登場，賣相同樣貫徹華麗，而款式似乎更吸引，包括牡丹蝦、帆立貝、大拖羅，都喺小弟喜歡嘅刺身款式。
刺第三點（二）
4 views
0 likes
0 comments
睇落其外觀色澤晶瑩而光亮，可謂顏值高，新鮮度已搶分。一啖入口，肉質黏黏咃卻又有啲爽身，沾一點點芥末，蝦鮮味就更加突出，絕對喺靚貨嚟。
帆立貝其實，食刺身最緊要喺夠新鮮，咁就已經差唔得去邊。刺身級嘅帆立貝，予人感覺就更加肯定好唔同，既大粒有睇頭，又厚身具口感，放入口，嗰份軟綿綿嘅感覺，的確令人印象深刻。
大拖羅大拖羅喺吞拿魚魚腩嘅最前位置，油分多，但筋位亦較多，故相對較有咬口。睇見眼前呢一件大拖羅，油份平均分布，入口卻唔會有種油膩感，質素上乘，只喺略嫌一件未夠喉，哈哈！
蝦頭味噌湯先後品9咗6款刺身，喺時候飲啲熱湯暖和番啲腸胃。以麵豉湯為基礎，但咪以為得蝦頭，原來湯內仲有好多配料，如魚肉、帶子及鮮蝦，而且湯嘅麵豉味好香濃，正呀！
蝦頭味噌湯
0 views
0 likes
0 comments
以熱湯回一回，跟住喺壽司時間，上文都講過，「廚師發辦」嘅賣點就喺你事前未知食乜，而款式亦唔會喺大唔7嘢。第一碟登場嘅壽司亦好特別，分別喺笛鯛、深海池魚、太刀魚，而笛鯛同太刀魚真喺非常陌生，印象中，連個名都喺第一次聽。
壽司三貫（一）
0 views
0 likes
0 comments
啲知佢嘅真身喺點，所以，專登上網查過，不過都無乜用，因為笛鯛都喺統稱，實際仍分有好多種類。姑勿論邊種，件笛鯛壽司味道唔錯，肉質細嫩，頗為鮮甜。又好鍾意師傅搓嘅壽司飯糰細細，剛好一口搞掂。
深海池魚壽司晶瑩而帶淡粉紅嘅深海池魚望落保持一貫光澤亮麗，足見其新鮮度，魚質嫩得嚟帶點點爽口感。
太刀魚壽司師傅話因為隻魚魚長身，又一身銀色，成把日本武士刀咁，故順理成章稱成為太刀。呢一款壽司就火炙過，故咬落魚肉會實淨啲，又有點油香，感覺亦唔錯。
壽司三貫（二）而第二碟嘅壽司，賣相保持華麗，3款刺身都喺高質貴嘢，包括喺金線鯛、中拖羅、日本海膽，咁味道喺點？講多無謂，食咗最實際。補充多一點，店家註明使用日本產白米。
壽司三貫（二）
13 views
0 likes
0 comments
學師傅話齋，壽司就梗喺有淡味到濃味咁食啦，所以，先試白身魚嘅金線鯛壽司。啲魚樣帶點金色，有種貴氣，雖然喺白身魚，油份都有啲，而魚肉好清爽。
中拖羅壽司刺身就試咗大拖羅，而壽司就用咗中拖羅。色澤均勻紅潤，閃爧爧無暗啞，雪花紋細緻，油分十足，入口好有即溶嘅感覺，實在柔嫩味鮮。
海膽壽司只喺講海膽嚟自北海道，但就無特別提到邊個區域，點都好，北海道個名某程度已喺一個保証。海膽晌壽司飯之上堆到滿滿，入口甘香豐腴，質感綿密細膩，絕不欺場。
紅酒三文魚卷師傅怕我哋唔夠飽，其實，都已經OK喇，再送多一客壽司卷。三文魚搵紅酒醃漬過，味道多咗份層次，之但喺，啲紫菜唔夠脆就要扣扣分。
檸檬雪葩最後嘅甜品，原以為會喺較日式嘅和果子，原來送上自家製嘅檸檬雪葩。食完，你會發覺檸檬裡面嘅果肉刮乾刮淨，卻填得滿滿雪葩，其檸檬嘅香味極之酸活清爽，冰涼好味，為呢餐飯有個美好作結。
檸檬雪葩
8 views
0 likes
0 comments
Post
