Video
Read full review
2016-01-28
1418 views
認識呢間拉麵店係因為一條YouTube片，有位日本師父教整温泉蛋，正正就係呢度個老闆，不過呢個舖位唔顯眼，係街尾，人流都唔算多，唔係特登行黎睇下或食過返尋味都未必會入呢條街！咁我係夜晚黎，其實都好近我公司，對我黎講唔難揾，黎到門口，望望入面都滿座，座位得二十個左右，不過等左陣就有位，店內環境好有日本味道，木檯木桌，牆上貼有日本長濱店既照片，日本清酒既介紹圖片同一啲手寫日文既小食餐牌。係座位窄左些小，店員遞上餐牌，入面係幾款唔同口味既拉麵，睇落好簡陋，唔花巧，望幾眼就知食邊款拉麵！落單都係用剔剔紙選擇！因為我一行三人，都叫左啲小食可以邊食邊吹水嘛，眼見其他客人都只係點拉麵食，無樣辦睇，咁就隨心叫幾樣啦，哈哈！仲係店員介紹下叫左支清酒……其實我唔好飲清酒，因為以前飲過好難飲，飲燒酒咁樣但今次呢隻令我有所改觀，微微咁試左啖，咦嘻！好順口，純純既淡酒味加上無果隻灼喉既感覺，好啱飲！應該我以前飲果支係cheap野。凍蕃茄就真係一個蕃茄雪凍切開，咁蕃茄都新鮮同大個，茄肉啫喱狀，點旁邊類似丘比特醬微微酸，就好似食沙律咁開胃非常！燒牛舌我都幾欣賞呢個小食，雖然份量唔係多，得三四舊左右，無計日本野係精緻
，望望入面都滿座，座位得二十個左右，不過等左陣就有位，店內環境好有日本味道，
木檯木桌，牆上貼有日本長濱店既照片，日本清酒既介紹圖片同一啲手寫日文既小食餐牌。係座位窄左些小，店員遞上餐牌，入面係幾款唔同口味既拉麵，睇落好簡陋，唔花巧，望幾眼就知食邊款拉麵！落單都係用剔剔紙選擇！因為我一行三人，都叫左啲小食可以邊食邊吹水嘛，眼見其他客人都只係點拉麵食，無樣辦睇，咁就隨心叫幾樣啦，哈哈！仲係店員介紹下叫左支清酒……
其實我唔好飲清酒，因為以前飲過好難飲，飲燒酒咁樣但今次呢隻令我有所改觀，微微咁試左啖，咦嘻！好順口，純純既淡酒味加上無果隻灼喉既感覺，好啱飲！應該我以前飲果支係cheap野。
凍蕃茄就真係一個蕃茄雪凍切開，咁蕃茄都新鮮同大個，茄肉啫喱狀，點旁邊類似丘比特醬微微酸，就好似食沙律咁開胃非常！
燒牛舌我都幾欣賞呢個小食，雖然份量唔係多，得三四舊左右，無計日本野係精緻些小，雖然牛舌切得算厚，但肉質一啲都唔韌，好香口，點些小蛋黃醬食就無咁咸，呢個值得讚！
唐揚雞翼呢款小食真係三歲到八十都啱食，因為炸雞翼好多人都鐘意食，雞翼都係一分為二再伴上唐揚粉去炸，變左一隻雞翼得就得一條骨，食時女士都無咁失儀態啦，哈哈！炸得都好香脆，雖然分左半，雖然都係雪藏貨，但肉仲保持到水份，肉質嫩嫩的，有家常風味，算係唔差。
燒明太子明太子其實係鱈魚既卵，再經醃製而成，呢味小菜拎黎送酒無得輸，因為偏鹹，係好好既下酒菜，但唔飲酒既建議都唔好點，因為除左偏鹹，仲有點腥，唔係人人受到陣味…...
叉燒拉麵湯係豬骨濃湯，但唔多濃稠，應該都係店自己煲製，但當日湯既味道都偏淡…叉燒反而整得好靚，肥瘦肉有層次，夠厚身，邊邊有點焦焦，肉質都好鬆軟但個拉麵質地就普普通通，食落質感偏軟……整體不過不失
Post
