Video
Read full review
2019-06-29
77 views
難得星期日約到朋友食飯，今次揀左鳥居居酒居慢慢食和慢慢傾計。餐廳主要以刺身和燒物為主，因為我唔食得生冷野，所以朋友好好，陪我一齊食熱食。活帆立貝：絕對食得出活帆立貝和雪藏貨既分別。呢隻係鮮甜之餘，肉質較軟熟，和雪藏貨偏韌，係有明顯的分別。網燒活鮑魚：鮑魚已經清洗所有內臟，燒好之後再切埋。我地就咁食就得，超方便。鮑魚面仲有少少日色香料（不過我唔知係咩），加埋一齊食，有提鮮既作用。燒龍蝦：呢隻龍蝦真係食到我舐舐脷。燒龍蝦初初好難剝殼，我以為未熟la，但又唔係wor。剝殼後係啖啖肉，而且非常爽脆彈牙。兩個人食一隻就剛剛好。鹽燒鮪魚尾：鮪魚即係吞拿魚，通常食刺身或罐頭，未食過吞拿魚扒。侍應話吞拿魚扒上加上了廚師特製既醬汁。個汁酸酸甜甜，都幾特別。可能我較保守傳統，我還是較喜歡刺身或罐頭既食法😂日本岩手早沢牛：侍應話和牛達A4級別，怪不得130g要$428。不過貴得黎都好值得。因為我食全熟的部分，牛肉食落口一d都唔肥，而且肉質好滑、好軟淋，充滿濃濃的牛肉味。自家製月見免治雞肉棒：食法好得意，係點日本生雞蛋食。但因為我唔食得生野，所以無試生雞蛋，留返下次先試la。味道有d似日式餃子入面既肉，不過就
餐廳主要以刺身和燒物為主，因為我唔食得生冷野，所以朋友好好，陪我一齊食熱食。
活帆立貝：絕對食得出活帆立貝和雪藏貨既分別。呢隻係鮮甜之餘，肉質較軟熟，和雪藏貨偏韌，係有明顯的分別。
網燒活鮑魚：鮑魚已經清洗所有內臟，燒好之後再切埋。我地就咁食就得，超方便。鮑魚面仲有少少日色香料（不過我唔知係咩），加埋一齊食，有提鮮既作用。
燒龍蝦：呢隻龍蝦真係食到我舐舐脷。燒龍蝦初初好難剝殼，我以為未熟la，但又唔係wor。剝殼後係啖啖肉，而且非常爽脆彈牙。兩個人食一隻就剛剛好。
鹽燒鮪魚尾：鮪魚即係吞拿魚，通常食刺身或罐頭，未食過吞拿魚扒。侍應話吞拿魚扒上加上了廚師特製既醬汁。個汁酸酸甜甜，都幾特別。可能我較保守傳統，我還是較喜歡刺身或罐頭既食法😂
日本岩手早沢牛：侍應話和牛達A4級別，怪不得130g要$428。不過貴得黎都好值得。因為我食全熟的部分，牛肉食落口一d都唔肥，而且肉質好滑、好軟淋，充滿濃濃的牛肉味。
自家製月見免治雞肉棒：食法好得意，係點日本生雞蛋食。但因為我唔食得生野，所以無試生雞蛋，留返下次先試la。味道有d似日式餃子入面既肉，不過就再滑d，而且加左冬菇，味道好香。
薩摩雞翼一夜干：起初見到個名好疑惑，牛肉乾、豬肉乾食得多，咩係一夜干呢？原來係用鹽醃左雞翼一晚，風乾後第二日燒。效果唔錯，個皮燒到脆脆地，隻雞翼唔會太肥，只有少少咸香，不用其他調味料已經好夠味。
燒牛舌
2 views
0 likes
0 comments
Post
