龍璽酒家 (Closed)

今日嚟到圓方行街，行到餓餓地，上咗嚟101食嘢，呢度有幾間餐廳，我選擇咗中式-龍璽呢度環境清靜，而且望出外面有一種居高臨下嘅感覺，始終係101層麻。今日假日客人幾多只有兩張空枱。服務員話下次最好Book枱，服務員親切有禮，環境俾人一種好高檔次。乳鴿雖然菜單上寫係BB夾，但係上枱隻乳鴿都幾大隻，而且好厚肉。皮脆肉嫩，好香口，而且肉質結實。鮮蝦腸蝦肉新鮮爽甜，腸粉皮好滑好煙銀。泡飯本人好欣賞呢一個菜式，話說你一個泡飯係呢間店攞過奬嘅，你一個泡飯入面有蝦，好似冇咩咁特別，但係其實佢最特別之處，係佢會配上一啲炸咗既米，混合一齊食，食落口有一種好似粟米片咁脆脆嘅感覺，最重要嘅係就算你未食完碗飯浸內左但係啲趣趣米依然都仲會趣，呢個泡飯值得一試鮑汁鳳爪呢個鳳爪就相對一般啦，雖然包汁味都幾重，而且啲汁都有黏口嘅感覺，但係啲鳳爪過咗火好淋。黑毛豬蜜汁叉燒叉燒入口鬆化，軟滑，齒頰留香，蜜汁唔會好鹹帶有甜味好開胃，味道令人回味。珍珠雞你道菜冇咩特別，同出面嘅酒樓珍珠雞一樣，只係佢嘅份量比較細。